真相揭開了！5個日本卡通人物爆紅隠秘關鍵

Text – 專題組

1. 1個字：圓！

基本上爆嘅日本卡通人物，身上總有個部位係圓碌碌，因為大家對圓碌碌嘅嘢有「可愛」、「溫暖」、「友善」嘅感覺，所以蛋黃哥（梳乎蛋）、熊本熊呢班「圓菇look」嘅卡通人物，大家第一眼望到，都已經好受落。

2. 眼要夠開

如果真人對眼生得好開，當然好怪相，但日本卡通人物就相反，對眼如好似鬆弛熊、My Melody咁生得開開地，反而重多人鍾意，因為大家覺得對眼生得開嘅嘢都好似小朋友，亦好惹人愛錫……

3. 頭大過身

「頭大無腦」，喺日本卡通人物身上都work㗎，因為大家會覺得好似Hello Kitty、索柏等頭大過身嘅角色好可愛，同埋覺得佢哋好pure好true，冇咩機心咪人人愛囉！所以佢哋可能係好高智商㗎，不過扮嘢冧fans啫~

4. 最「紅」係你

紅色代表危險，但日本卡通人物身上有紅色，反而能夠引起大家注意。好似《妖怪手錶》嘅Jibanyan同麵包超人咁，你絕對唔會覺得佢哋危險，相反重好吸引到你嘅目光添！

5. 「N」定律

呢點用香港譯名唔多覺，但用返日文名就好覺。多啦A夢（Doraemon）、布甸狗（Pom Pom Purin）咁，嗰名最後都係「n」音尾，原本分析話，會有種令你「好似好熟」嘅親切感喎，ummmm，呢個point吹水成分就真係有3、4層樓咁高！

《反斗奇兵4》2017上！今集重點竟然係講……
根劇以上5大定律，我哋《新Monday》就「依法炮製」咗以下嘅「5大元素」日本卡通人物「新Monnnnnnn」，點？大家覺得佢紅唔紅得起？

內容延讀：

＞率先睇一田Gudetama Café 11款萌爆美食

＞13款新梳乎蛋點心 芝士撻排隊都要食

＞紅爆17 App 5大女神你要follow

＞咁大整蠱？攝影師亂入，一句撻著陳瀅點收科？

＞《葉問3》最新預告片 丹爺vs泰臣張晉邊個最好揪？