【老蘭蒲記Mabel】嚇死人咩!我個bra離一離呀!

熱話

廣告

【性與幻想 by Mabel】嗰日同1位相識多年嘅蒲精晚飯,佢一坐低就火嚟:「頂!老蘭翠華就快玩完喎,我成個人都好lost囉而家,好似被人拆咗個尖咀鐘樓咁,核心價值冇晒呀……」冇錯,當年大家10晚有9晚蒲完都係去老蘭翠華咬啲嘢,然後蒲精就會跟啲男人去玩其他嘢。照燈、照人、被照,回憶返晒嚟。傾下傾下,竟然提番起1件屬於我,而且好羞恥嘅蒲典瘡疤……

某年暑假,剛由旺角劈酒場轉去老蘭玩,一玩,就迷上咗升級了的蒲景、蒲人、蒲香。我見識到好多鬼妹同
ABC都係波大大咁,着衫好睇之餘又sexy;於是,我集四方之大成後,選購了1個承托力驚人,而且個墊好厚
嘅戰鬥bra!它,平時我會好好鑲起,只會去蒲先戴!它,絕對稱得上係對假狗,戴咗的確大好多,我尊敬佢
!但,自那晚起,我好憎佢!同時,亦係我最後1次去老蘭蒲 :”(

Happy weekend,當然要盛裝出席,有咁大托咁大,跳舞嗰時個pat有咁扭得咁扭,總言之就係要同身邊嘅女人
鬥個你死我活。那段時間嘅我正值失戀期衝擊,為咗想舊愛後悔,不惜任何代價都要將身材keep到火辣辣;

每次踏入老蘭,都能惹來唔少wow wow聲。男人對我嘅回頭率達99.7%,而邀請我may I嘅人亦抱歉未能盡錄
。可惜,我最索嘅時候,沒有重遇我嘅ex。

入番正題先!嗰晚我一如以往,攞住支酒係咁扭pat,係咁蛇腰;走埋我身邊穿插嘅男人好多,我嘗盡幾輪又
幾輪嘅男人香同男人臭味,總之嗰晚我就特別高收視啦!撐住對4吋高踭鞋係咁un,難免會腳抽筋;於是喺條
筋未抽到出嚟之際,我保持hot & sexy baby咁行番埋朋友張檯,坐低唞唞再飲酒。

靚女一坐低,成班蜜蜂嗡晒埋嚟XD,唔知係佢哋大聲講細聲笑,定係現場太過嘈,所以我聽唔到佢哋講乜,

淨係覺得嗰晚啲仔特別黐身、特別打量我、特別眼甘甘。身處夜蒲場,我鬼會分析咁多咩,離唔開都係因為
我太索累事啫(暗笑XD)。過咗一陣,我覺得心口好似痕痕哋,低頭一望,啲燈閃下閃下,其實唔係好發現
到啲咩,由佢!再過多陣,我覺得個乳頭痒痒咁,好似有人用指頭輕撫緊我一樣。我個人愈係轉身或擺動,
我嗰兩粒乳頭仔就出現1種欲拒還迎嘅快感。雖然知道自己用咗戰鬥bra,實力雄「厚」非常;但正常心理上都
會擔心「lin旗」扯得太「行」,係會有凸點呢回事。

女人總愛被寵得像公主,即使幾唔捨得離開呢班男神堆,但我都係要去洗手間check check我粒小乳頭發生咩

事。我一起身,全檯人一齊拍檯大笑,咩料呀?我入到廁所揭開件衫一睇,WTF!應該係跳舞嗰時郁得太勁
,個戰鬥bra離罩,然後有好多nuts攝晒喺個胸度。啲nuts又有鹽,唔怪得個乳頭咁痕啦>O<

原來個個都望到我離晒罩,班PK重逐粒逐粒花生掉入我個胸度玩入樽,超賤呀!而我竟然懵然不知……我要
靚又要面,喺廁所太耐會好「柒」嘛!最後,我選擇以高貴大方嘅姿態出去攞番個包包,然後用Miss HONG
KONG揮手形式同班死剷講:「我跳到好攰喇!第2晚再見啦,bye-bye(+飛吻嘴形)。」點知,意外意外,

意料之外!出到去,個包包未掂到,就有人大聲叫:「離罩C奶,走喇?食飽花生喇?」。OMG!真係瘀到
核爆!同時我深深覺得,老蘭場高級啲咩?玩到癲咗嗰時咪又係個個都變番MK爛仔!

出去蒲,最深刻竟然唔係遇到件咩筍盤,唔係品嘗咗1位彎J男;而係個乳頭被人餵食有鹽花生,重要被人改
埋個「離罩C奶」花名囉LOL。

text-Mabel

MT Mabel’s profile
公關1名,關公面口,自認是Black Face Production的director。對於性,一直覺得幻想遠比真實更能有高潮。所
以,唔係個個男人都容易埋到身。

facebook專頁:MT Mabel

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There are 3 comments

Add yours

Comments are closed.