3個美容品牌嘅Afternoon Tea,又食又拎邊個最吸引?

3個美容品牌嘅Afternoon Tea,又食又拎邊個最吸引?

成日話3點3,tea time落去tea一tea,唔係講緊去茶檔食tea,而係去高檔少少,充滿hea味,hea夠兩、三個鐘先夠皮嘅afternoon tea。全香港的確周圍都有,點解要去呢3間?原因好簡單,呢3個afternoon tea都分別同唔同嘅美容牌子合作,食完有product或treatment送埋俾你用,禮品價值重貴過個tea set,咁大吸引力,邊有唔試嘅理由?

text-Angie Ng

Helena Rubinstein X 香港喜來登酒店

「瑰麗金緻下午茶」

呢個最新最吸引,時間最長(成個9月同10月都食到),踏入初秋,擺明知你要換季,我指護膚方面,推出品牌最吸引嘅Prodigy Sacred Oil全效逆齡奇蹟精華油做賣點做食材靈感,加入含豐富Omega 6同Omega 9嘅食材,伴隨喜來登視佳廊Sky Lounge維港景,會唔捨得走喎!重點係食完tea之後,可獲贈Helena RubinsteinProdigy Sacred Oil全效逆齡奇蹟精華油試用套裝1份(價值$536)包括:奇蹟精華油及修復晚霜,可以去埋Helena Rubinstein指定專櫃尊享專業皮膚分析及全效逆齡滋養活肌面部護理。抵到冇嘢講!

當中包括綴以精華油主要成分—塔卡馬卡樹(Takamaka tree)樹葉造型的芒果芝士蛋糕、杏仁雲尼拿馬卡龍、香檳金珍珠洋槐蜂蜜杯子蛋糕,而精緻法式咸點:迷你牛油果配魚籽三文治、高貴金箔鴨肝配朱古力薄片等等。
當中包括綴以精華油主要成分—塔卡馬卡樹(Takamaka tree)樹葉造型的芒果芝士蛋糕、杏仁雲尼拿馬卡龍、香檳金珍珠洋槐蜂蜜杯子蛋糕,而精緻法式咸點:迷你牛油果配魚籽三文治、高貴金箔鴨肝配朱古力薄片等等。
睇住維港,景觀咁開揚,夠hea﹗
睇住維港,景觀咁開揚,夠hea﹗

「瑰麗金緻下午茶」

供應日期:即日起至2015年10月31日

供應時間及定價:

星期一至五 下午3:00-6:00 $218/位(配咖啡/茶)

星期六、日及公眾假期 下午2:00-6:00 $238/位(配咖啡/茶)

【升級之選-配HELENA RUBINSTEIN特調金緻香檳雞尾酒】$298/位

視佳廊Sky Lounge

地址:香港九龍彌敦道20號香港喜來登酒店18樓

訂座電話:2369 1111

 

內容延讀:

再推介3間不能錯過嘅特色High Tea

Tea完跳番part骨盆舞鬆一鬆!

植村秀 X AMMO

「黃金活肌下午茶」

當國際彩妝品牌遇上米芝蓮推介餐廳,究竟係「好用啲」定「好味啲」?AMMO大廚為咗配合植村秀全新Ultime8黃金琥珀精油精華的激活肌膚功效,特別用黃金琥珀色同「吃出好美肌」做創作靈感,揀選食材,重帶你遠離繁囂都市,環抱翠綠環境下帶來品味寫意下午茶,真係好似去咗世外桃源一樣!食完hea完就可以獲贈植村秀ultime8黃金琥珀潔顏油15ml試用裝及ultime8琥珀日式指壓手部按摩服務體驗券。完成按摩服務後,亦可獲全新ultime8黃金琥珀精油精華試用裝及以優惠價$910(價值$1,365)購買王牌ultime8黃金琥珀潔顏油450ml套裝。咁試過好用至買都OK呀!

黃金活肌下午茶美食包括:  豐富骨膠原:西班牙黑毛豬腩肉伴紫椰菜及香茅  高效抗氧化:無花果蜜醬鴨肝凍  強化肌膚Omega-3:油封三文魚伴西班牙辣椒魚子 及 三文魚子伴芝士菠菜手指三文治  美白維他命C:煙燻鴨胸伴糖漬香橙 及 英式提子鬆餅伴上伴奶油忌廉及橘子果醬等 養生養顏:法式薑汁焦糖燉蛋
黃金活肌下午茶美食包括:
豐富骨膠原:西班牙黑毛豬腩肉伴紫椰菜及香茅
高效抗氧化:無花果蜜醬鴨肝凍
強化肌膚Omega-3:油封三文魚伴西班牙辣椒魚子 及 三文魚子伴芝士菠菜手指三文治
美白維他命C:煙燻鴨胸伴糖漬香橙 及 英式提子鬆餅伴上伴奶油忌廉及橘子果醬等
養生養顏:法式薑汁焦糖燉蛋

「黃金活肌下午茶」

供應日期:即日起至2015年10月11日

供應時間及定價:

星期一至日 下午3:00-5:00 $308/2位

AMMO

金鐘正義道9號亞洲協會國際中心

訂座電話:2537 9888

 

terre d’Oc X Feast

Le Thé de l’hospitalité」下午茶

轉個頭帶咗你去法國普羅旺斯嘅茶園,你可能會對法國有機品牌terre d’Oc有點陌生,不過,佢嘅茶或者你會飲過﹗靈感源自terre d’Oc從世界各地極富聲望的茶園搜羅的有機茶葉,可以一邊享受秋天意境,一邊品嚐各地不同民族的獨有文化。藉得注意係佢9月同10月個menu有少少唔同,鍾意咪去食夠兩次囉!佢重可以單人計算,真係做到三五知己去都可以,歎完茶就送你由terre d’Oc特別送出的茶包套裝及禮品卡,啱晒嚮往法式情懷嘅文青。

下午茶包括茶薰鴨胸沙律、茶薰三文魚及茶葉蛋沙律三文治、蕃茄意瓜酥皮撻、乾果鬆餅配忌廉英式果占、雲尼拿焦糖紅茶小蛋糕、綠茶杏仁餅及玉桂紅茶奶凍,與咖啡或精選terre d’ Oc有機茶完美的配合。
下午茶包括茶薰鴨胸沙律、茶薰三文魚及茶葉蛋沙律三文治、蕃茄意瓜酥皮撻、乾果鬆餅配忌廉英式果占、雲尼拿焦糖紅茶小蛋糕、綠茶杏仁餅及玉桂紅茶奶凍,與咖啡或精選terre d’ Oc有機茶完美的配合。

「Le Thé de l’hospitalité」下午茶

供應日期:即日起至2015年10月31日

供應時間及定價:

星期一至五 下午3:00-5:30 $238/2位, 另外加1位$165

Feast(Food by EAST)

太古城太古城道29號東隅酒店1樓

訂座電話:3968 3777

 

內容延讀:

再推介3間不能錯過嘅特色High Tea

Tea完跳番part骨盆舞鬆一鬆!

YOU MAY ALSO LIKE ...

There is 1 comment

Add yours

Comments are closed.