【跑友必睇】NIKE Run Club 大中華全面升級

運動裝備

廣告

作為1個跑步起家嘅品牌,NIKE喺40年前創立開始,就不斷推出更先進嘅科技同更專業嘅服務,令全世界嘅跑者跑得更快更好,因為佢哋相信「只要你擁有身軀,你就是1名運動員」。眾所周知,NIKE+就係NIKE近年嚟發展跑者服務嘅最好見證,由最初以小小嘅鞋底晶片為跑者記錄個人成績,到以《NIKE+ Running》應用程式所帶來嘅智慧化運動體驗,再到如今千萬用戶於NIKE+運動社區中共同努力,NIKE確實喺發展路上完全冇放慢步伐。而今次,NIKE+ Run Club(簡稱NRC)喺進入中國5週年之際,就迎來全面升級,筆者更加有機會率先到北京親身體驗。

text & photo – Lok(ig:loklokb1021

新跑步生態體系

NIKE+ Run Club(NRC)係個由NIKE+社區延展出嚟,融入以NIKE店鋪為基地嘅跑步團體、服務體驗,以及於2013年喺大中華區推出嘅NIKE+ Run Club微信服務號,從而打造1個面向所有跑者嘅會員制跑步生態體系。每位跑步愛好者只要註冊成為NIKE+會員,就可以加入NRC,跑者可以根據自身實際情況於網上預約適合自己嘅跑步課程,參加由NRC教練及配速員帶領嘅訓練,課程由NRC全球教練設計,滿足各個唔同水平跑者嘅全面需求。

下頁睇北京訓練實況


內容延讀

新MONDAY編輯部著用示範 REEBOK鞋款秋冬指南

NIKE TECH PACK FA15 秋絲剝繭

全新NRC

會員制跑步生態體系包括:線下實體跑步課程、《NIKE+ Running》、《NIKE+ Training》應用程式、NRC教練及配速員、NRC店鋪服務、NRC指定合作夥伴以及依附於Nike.com同NIKE+ Run Club嘅微信線上服務及相關路跑賽事。 而今次筆者上到北京,就一次過體驗以上服務,重同大中華區嘅教練及配速員一齊訓練,訓練內容例如有耐力跑(Long Run)、疾速跑(Speed Run)、鍛煉跑( H.I.T & RUN)等等,均衡咁訓練全身肌肉,幫助跑者提升身體基本素質。過程雖然辛苦,但確實非常有效而且氣氛一流,記得當時我嘅教練話:「訓練跑者並唔係要佢知道你有幾強,而係令佢離開呢個訓練場時,心裏面依然眷戀住剛才訓練時你所帶俾佢嘅熱情同活力!」冇錯,直到而家,我重好回味訓練時嘅感覺,愛跑步嘅人絕對要參與呢個新跑步生態體系!

秋冬季新品預覽

一場嚟到北京,當然唔會剩係跑個步就走啦,今次行程另一重點,就係嚟緊秋冬季新品預覽,當中以跑步系列NIKE Flash Pack最為吸睛,反光元素一直係冬季跑步裝備嘅大前提,因為可以發揮保護跑者嘅功效,有別於千篇一律嘅1大塊反光條。今年全新升級嘅Flash Pack以「黑夜中的閃耀極光」為靈感,大膽推出彩色花紋反光設計,除咗使用800蓬羽絨保暖區域及熱壓鐳射打孔設計嘅新款Aeroloft Flash羽絨背心外,連同系列跑鞋亦具有「北極光」效果,絕對震撼。當然唔少得每季都搶購一空嘅NIKE Sportswear,招牌Tech Fleece撞上迷彩效果更加出色,大家記得留意今年秋冬collection。

There are 4 comments

Add yours

Comments are closed.