【跌硬錢系列】NIKE Tech Pack FA15 秋絲剝繭 迷彩靚到癲

熱話

廣告

NIKE Tech Pack嘅成功,源於佢搵到方法將運動同時尚元素融合,服裝設計令用家可以面對唔同天氣季節轉變而持續運動,同時不失潮流氣息,難怪每季新品都令全城期待。 踏入秋季,就更加係NIKE Tech Pack FA15 大展所長嘅時候,因為呢個系列正正係以秋冬保暖單品成名(Tech Fleece、Aeroloft等),招牌長拉鏈搭上簡簡單單嘅1件外套又或長褲都已經滲透時裝味道,到底今季NIKE又為大家帶嚟咩驚喜?

text – Lok(ig:loklokb1021) photo – Mike W.


內容延讀:

《新MONDAY》編輯部著用示範 REEBOK鞋款 秋冬指南

FIDA×YO ELITE CHALLENGERS 泰拳初體驗

NIKE Tech Fleece CAMO 密集迷彩

雖則大家都知每季NIKE Tech Pack都一定係出某幾款特定嘅key items,例如Tech Fleece Windrunner、Tech Fleece Pants等,但佢確實每次都會加以改良,帶嚟各種變化,令你又忍唔住要入手。 至於今季NIKE Tech Pack FA15 主打嘅就係「迷彩」,當然好記性嘅Tech Pack用家會知道「迷彩」唔係咩新元素,但今回就換上類似「DPM Camo」嘅pattern,比上年嘅迷彩紋更密集,而且追加黃色彩紋,玩味更濃。

眾星演繹

若果連model styling都未滿足到大家,唔緊要,NIKE就搵嚟各界體育巨星親身演繹Tech Pack 15,包括C朗(Cristiano Ronaldo)、KD(Kevin Durant)、尼馬(Neymar Jr.)等等,用行動話俾大家知,Tech Pack與對運動同時尚界嘅關係,型!

基本要有

除咗CAMO迷彩系列之外,當然唔少得最熱賣嘅one-tone色產品,招牌長拉鏈、黑灰藍色就基本要有,用上符合人體工程學設計嘅抓絨布面料,打造輕盈而保暖嘅運動體驗,女裝重點推介紫色超大尺寸風帽嘅Tech Fleece外套,而男裝就有灰底撞螢光黃detail位,勁似Air Max 95 OG配色,食正今年Air Max 95廿週年熱潮,fit晒!

KICKS LOUNGE 海港城港威商場3樓3237號鋪 35802783


內容延讀:

《新MONDAY》編輯部著用示範 REEBOK鞋款 秋冬指南

FIDA×YO ELITE CHALLENGERS 泰拳初體驗

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!