【全港獨家爆!】 萌爆 Sanrio運動會 設計圖曝光

生活

廣告

10月4日(星期日)將會喺亞博舉行 Sanrio運動會 (全名係「 Sanrio 家族全能運動會」, Sanrio Family Sports Day), 旗下最強人氣嘅天皇巨星如Hello Kitty、My Melody、Little Twin Stars、Bad Badtz-Maru、Dear Daniel、PomPomPurin到時會總動員出動。之前我哋亦有出過報道,今次活動分別以佢哋作為主題設計出6個唔同運動項目遊戲俾參加者玩,大會話遊戲主要針對大朋友,當然另外亦設兒童專區,有波波池、充氣滑梯等遊戲俾小朋友玩,咁就唔使驚俾人話「同細路爭嘢玩」!《新Monday》就獨家率先公開呢6項運動嘅設計圖,報咗名嘅朋友(已截止未報)可以未出發先興奮,報唔到名嘅,睇下都好嘛!

text-專題組

「Hello Kitty長氣全能賽」
選手由Hello Kitty大型拱門入內,進入闊9米、長40米,相等於4架巴士長嘅障礙賽道。其間要通過多個關卡,包含攀爬、攔截、閃避、穿越、滑梯等等,好考體能。沿途重有唔少Hello Kitty造型設計為選手打氣,一定可以順利通關。

 

「My Melody迷魂陣」
適逢今年係My Melody誕生40週年,佢將會喺 Sanrio運動會 內打造本港首個最大充氣迷宮。有15米長、15米闊,並有My Melody唔同造型設計圖案。迷宮設有3個出口,選手可自由選擇,如果最後喺3個出口中選擇正確出路,重可獲My Melody大使派發紀念獎品。但想通過都唔係咁易,迷宮內有My Melody提示嘅箭嘴,信唔信指示要靠自己判斷,遊戲鬥智鬥力。

 

「Little Twin Stars彩虹飛行」
Sanrio運動會 更設有空中項目,同樣係40週年嘅Little Twin Stars,就準備咗有多顆彩虹星星Bling Bling嘅空中樂園。選手先喺5米高嘅滑道上綁好安全繩索,準備就緒之後,就可沿滑道空中飛翔9米直達終點,聽落都覺得爽!

 

「Bad Badtz-Maru X ’噢’!入樽王」
XO今次就同參加者化身成NBA球員,參加者行入特製具彈力嘅籃球賽道,起步、拍打籃球至入樽位置後,一踴跳起投籃,俾參加者試下輕輕鬆鬆彈起入樽嘅滋味。

 

「Dear Daniel足智賽」
Dear Daniel一向熱愛足球,佢今次就喺龍門準備咗「笠射」、「死角」等5個入球位,選手們將足球瞄準目標射球,如果能將足球踼中目標位置入球,就可以獲得Dear Daniel所準備嘅紀念禮品!

 

「PomPomPurin布甸平衡床」
剛奪得《2015 Sanrio 人物大賞》排名第1嘅布甸狗,都一齊參與運動會,佢會化身成26米長、10米闊,好似1個籃球場咁大嘅本地最大跳彈床。參加者要行過布滿布甸狗設計圖案、好似布甸狗肚仔一樣軟腍腍嘅長形彈床,要拿捏到當中技巧先可以衝過終點。

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

There is 1 comment

Add yours

Comments are closed.