【笑一笑世界更美妙系列】潮玩 牙飾 ,kawaii、bling bling你like邊款?

生活

廣告

鑲金牙,唔係阿婆嘅專利,bling bling 、金色一向係Hip Hop界浮誇友最愛,想當年潮流教父Nigo浮誇到無嘢好玩,搵咗高級珠寶品牌Jacob & Co. 訂製讚石牙,屬炫富系一哥。而流行咗好幾年嘅金 牙飾 ,唔止男人玩, Beyoncé、Rihanna、Cara Delevingne、Miley Cyrus等潮星輪住試。來自巴黎嘅Dolly Cohen,你唔可以唔知,佢可算係史上最紅 牙飾 品潮牌,潮星顧客排住隊去玩,層面更推至fashion show T台,15秋冬Givenchy、16春夏Hood By Air,model們嘴飾令人嘩然,雖然重口味,但造型相當出色。如果你嫌金土豪味太濃,近日回潮嘅㗎國亦有搞作,原宿風味不死kawaii呢繼續有一班忠實粉絲。就好似香港粉紅達人Eva Cheung去到日本發展一樣有market,最新同日本黑木齒科醫院旗下Kitty Putty合作設計咗牙套系列,梗係玩colorful可愛系,同日系指甲一樣咁fancy,㗎味濃!㗎國加入推一推,完美笑容 牙飾 應該會更hit,唔單止星玩,進一步打人大眾市場。以後笑一笑,世界更美妙。

text-Winki Kiki(ig:winki_kiki) photo-網上圖片

潮人 牙飾 熱!

 

㗎國玩牙

Eva Cheung × Kitty Putty

Eva與日本黑木齒科醫院旗下Kitty Putty合作設計 牙飾 ,全系列共4款,相比起原本嘅閃片設計,Eva款式 牙飾 更加colorful,招牌粉色配上珠飾、閃石,重有芭菲、心心等可愛風圖案,充滿㗎國味道。Eva話:「牙套係裝飾用,可以自由除下,戴完用清水沖洗乾淨就可以。」

 

訂製過程

見醫生->倒膜->製作(10)->完成

費用為54,000yen (約港幣$3,400),趁yen低抵玩!
內容延讀:

> 整靚棚牙,都要顧埋對腳,5招預防 新鞋刮腳

>明星追捧 牙飾 之餘,重追捧人體藝術 !不可不知的6位 名人紋身師 !

歐美炫富拜金

歐美方面,Grillz(金屬牙套)為Hip Hop友最恨要,以金及閃為主,鑽石牙飾真係浮誇系炫富用,有錢係咪要咁晒?同日系kawaii呢完全係兩樣嘢,你鍾意邊款?

時尚潮 牙飾 設計師Dolly Cohen

巴黎大紅牙飾設計師Dolly Cohen本來係牙科嘅專業技師,對牙齒有相當豐富嘅認識,後來因為男朋友需要鑲Grillz(金屬牙套),就開始咗呢盤設計生意。Dolly嘅作品全部由佢獨力設計同製造,用上18K金鑄造,而且款式全部獨一無二,從不重複,所以每顆牙環訂價最少要200歐羅。佢嘅星級客人包括Rihanna、Cara Delevingne、A$AP Rocky等等。而幫15秋冬Givenchy同16春夏Hood By Air設計嘅 牙飾 ,更係令人超癲,不過堅型囉!

牙飾 健康Q&A:

佩戴 牙飾 會造成口腔健康問題嗎?

係,會造成問題。徹底進行口腔清潔嘅步驟係好重要,包括使用牙線同用抗菌牙膏刷牙。因為食物同牙菌斑好容易就會黐喺 牙飾 上,並可能造成對牙齦邊緣嘅刺激,導致牙齦炎,可能引發生蛀牙。 牙飾 亦會造成鄰近牙齒嘅磨損、牙齦萎縮、牙齒變色或碎裂。喺食嘢或漱口清潔口腔前,應該要先取咗 牙飾 。 牙飾 亦可能導致對金屬嘅過敏反應。

出於紀律同健康等考慮,阿拉巴馬州、喬治亞州同德州嘅學校已經禁止用 牙飾 。最重要嘅係,首先要諮詢牙醫裝 牙飾 嘅步驟,以及對你口腔健康嘅影響。

應該由邊個製作 牙飾 ?
應該由牙醫通過製作牙齒嘅模型嚟做 牙飾 ,而唔係珠寶商或 牙飾 供應商。1個冇牙醫執照嘅人做出嚟嘅 牙飾 ,有可能導致嚴重嘅牙齒同口腔健康問題。

(資料來源:Colgate口腔護理中心網上資料)
內容延讀:

> 整靚棚牙,都要顧埋對腳,5招預防 新鞋刮腳

>明星追捧 牙飾 之餘,重追捧人體藝術 !不可不知的6位 名人紋身師 !

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!