ConverseChuckII 引發! 本週5大睇得兼打得機能潮物

波鞋

廣告

而家咩都講機能性,就算係一枝筆都要整個風扇上去。潮物都係一樣,大家着咗差唔多成百年嘅Converse Chuck Taylor All Star都話要進化做 ConverseChuckII ,依然係嗰個low-tech到爆嘅外表,但用料及細節全部高機化,着落去真係feel到「KIMOCHI呢」!本週就為大家精選5大睇得兼打得機能潮物,不過奉勸一句年輕人要諗真啲先好買,而家用個風扇仔透下涼都變廢青,對鞋重要舒服到咁,好驚俾人話唔吃得苦!

 

text – Jer

 

1. ConverseChuckII 再進化

作為人類史上最經典嘅波鞋,Converse Chuck Taylor All Star由1917年面世到而家已經近百歲。雖然呢對神級波鞋呢百年嚟出過無數變種版本,但大家最buy嘅始終係原汁原味嗰對。不過,愈有難度就愈有人想挑戰。2003年被NIKE收購後,Converse近年開始正式出手,如年初NIKE Air鞋墊植入到Jack Purcell內,結果大收旺場。事隔半年,NIKE更將最新緩震技術NIKE Lunarlon鞋墊放到Chuck Taylor,並命名為Chuck Taylor All Star II。呢對 ConverseChuckII 舒適感無庸置疑,加上最經典嘅鞋形,邊有得輸?

Converse 旺角朗豪坊8樓05-08號鋪 3514 9319

 

2.Cole Haan西裝友波鞋

波鞋大熱,但唔係人人都可以跟到呢份熱潮,尤其被硬性規定返工要着西裝嘅朋友,買埋買埋成年都着唔到幾次,擺到碎底重心傷。早年由Cole Haan帶起嘅皮鞋面加波鞋底混血款式,佢哋今季繼續依循呢個方向,或者因為波鞋太強勢,Cole Haan於設計上更偏重於波鞋嗰邊,將網面物料加無縫接合等常見於波鞋上嘅技術應用到皮鞋上,變為皮波鞋。雖然Cole Haan已經唔係NIKE旗下,但鞋底嘅「Free」底技術(Cole Haan稱為GRAND.OS)相信唔難認出,想返工着suit都能夠湊一下波鞋熱,啱晒!

Cole Haan 九龍塘又一城LG1樓22號鋪 2265 8386

 

內容延讀:

>你唔知筆都可以係風扇?入嚟睇睇啦

有機能都要保養,分半鐘學識白All Star還原靚靚拳

3.AMERICAN EAGLEOUTFITTERS彈力再升級

自上季推出彈力牛仔褲Denim X深受歡迎後,美國牛牌AMERICAN EAGLE OUTFITTERS(AEO)再度加強研發,推出彈力再度突破嘅FleX系列,將綻藍色嘅紗織布結合彈性纖維,令牛仔褲彈力增至45%以上,而且除以靚靚洗水作為賣點外,更注入jogger pants「揸腳」設計,唔止彈力,潮味都同時升級。

AMERICAN EAGLE OUTFITTERS尖沙咀海港城LCX 3階5-9號鋪 2730 6939

 

4.CLOT夏日系列

因為倉石一樹曾經監修關係,CLOT系列好多時都帶有倉石式layering嘅影子。好似今季推出嘅welded zip pocket tee都係帶點機能味嘅設計。另外CLOT亦製作出沙灘大毛巾等夏日裝備,適合暑假出海去沙灘玩嘅你。

JUICE銅鑼灣加寧街9-11號名店坊地下A鋪 2881 0173

 

5. NEW ERA×STRiDA金次帽車鳥

NEW ERA與英國著名摺車品牌STRiDA聯手推出限量版STRiDA都市折疊單車及NEW ERA 9FIFTY帽款系列,單車以「urban mobility」為題,結合潮流與時尚風格,採用啞灰色作主色調,並以金色為細節配色,搶眼度滿分。而帽款則分別於正前方和側面繡上金色STRiDA標誌及NEW ERA標誌,踩車都可以型到咁。

NEW ERA 尖沙咀百樂酒店地下2號鋪 3523 0626

 
內容延讀:

>你唔知筆都可以係風扇?入嚟睇睇啦

有機能都要保養,分半鐘學識白All Star還原靚靚拳

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!