【情信亦泛黃?】5招為你件 白色衫美白

熱話

廣告

要數每個人衣櫃入面一定有嘅嘢,相信一定係白色tee!啱啱買返嚟嘅白色tee一定係白雪雪,但着耐咗就會發現有污漬,hit歌〈羅生門〉都有得你唱「情信亦泛黃」……總知就唔係當初個件白雪雪嘅衫,唔通我哋同件衫嘅相處就咁短暫?唔會嘅,唔想件白色tee有跡就咁報銷,就要學下以下5個為 白色衫美白 嘅方法 !

text-Swing(ig:nganshuwing) photo-互聯網圖片

 

即學5招為 白色衫美白 !

1. 檸檬汁

飲檸檬水可以美白皮膚係人都知啦!不過原來為 白色衫美白 一樣得!只要係盤熱水入面,加半杯/1杯檸檬汁,再將件衫擺入去個盤到浸過夜,第2朝就將件衫放入洗衣機洗,咁件衫洗完就會白雪雪架啦!1個檸檬可以幫自己塊面美白,又可以幫埋件衫,真係方便!

2. 菠菜水

食物除咗檸檬可以美白外,原本菠菜都可以架!只要你有1盆菠菜水就可以啦!點解菠菜可以美白?因為菠菜經過水煮後,就會釋放可以溶解蛋白質嘅成分,而通常衫上面嘅黃色污漬成分主要都係蛋白質,所以菠菜水就可以趕走黃漬啦!

方法好簡單!首先你要有嘅係1紥紮菠菜,將佢放係滾水入面煮兩煮,撈起菠菜,留返菠菜水。然後就用菠菜水係你件衫有污漬嘅地方搓下,搓到咁上下,就將成件衫擺入菠菜水到浸佢10分鐘,浸到佢夠鐘就可以放入洗衣機洗架啦!

 

3. 牙膏

你每日都用嘅牙膏一樣可以幫你件 白色衫美白 !如果你件衫嘅領口有黃漬,可以將少少嘅牙膏擠係領口位,刷下佢,如果你想,都可以用唔要嘅牙刷幫手,刷完用清水沖,咁就可以無晒黃漬架啦!

 

內容延讀:

【夏天着白衫,咁對腳着乜呢?】編輯部嚴選!20對炎夏 女生必着涼鞋

【 愛過哈囉吉蒂 嘅都不忘着】D-mop x Hello Kitty限定運動潮服都有白衫

 

 

4. 洗潔精

如果你件白色衫上面唔係黃漬,而係油漬咁點算好?咁洗潔精幫到你啦!只要將少少嘅洗潔精擠係油漬上面,輕輕咁搓下佢,咁啲油漬就會唔見晒架啦!原理同洗碗用洗潔精一樣!

 

5. 洋蔥皮

大家唔好睇少洋蔥皮呀!睇落好似冇咩用,但原本佢係有佢本身嘅價值架!就係幫你件 白色衫美白 喇!只要你準備10個洋蔥嘅皮,加兩杯水落去一齊煮,煮到水滾,之後撈返洋蔥皮上嚟,加啲鹽,然後將件衫放入去浸,10分鐘之後拎返佢上嚟,再用清水洗乾淨,搞掂!

 

不過咁多方法都好,大家記得唔好將啲白色衫放喺膠盒或紙盒到呀,因為膠盒會令到啲衫無法接觸氧氣,而紙箱就帶有酸性,兩樣都會導致啲衫變黃!大家要留意啦!所以最好就將啲衫掛係衣架度,咁就唔會令你為 白色衫美白 嘅前功盡廢啦!

 

內容延讀:

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There is 1 comment

Add yours

Comments are closed.