【 韓星辮子頭 熱爆】潮玩3款進階版編髮,升呢做女神!

【 韓星辮子頭 熱爆】潮玩3款進階版編髮,升呢做女神!

之前教過大家為造型加辮,反應都唔錯,睇嚟大家都熱愛編髮喎,唔知你哋紮成點呢?不妨上嚟開心「些牙」下吖!自問功夫到家,熟到咪埋眼都識紮嘅話,係時候「升呢」學埋呢3款進階版編髮喇,皆因今期 韓星辮子頭 hit爆,潮流嘅嘢我真係識條……咪就係先玩先贏囉!

text-Edelweiss(ig:lovedelweiss) photo-網上圖片

Hit! 韓星辮子頭

 

1. Double Braids 孖辮子
講開孖辮,小記諗起阿姐,無計,鬼叫TBB呢排播埋啲膠劇《歲月風雲》咩,話時話,汪明荃喺35年前嘅《京華春夢》都扎過孖辮㗎,以前覺得孖辮好「娘」,不過今時今日,孖辮已經變咗「潮頭」喇!點解?睇下K-pop,少時、2NE1、CLC、The Ark、Kara、Sistar、4Minute等等,噏得出名嘅女團,個個都紮起少女感重嘅孖辮,今個夏天已經成為孖辮子嘅天下!

 女團CLC個個熱撐孖辮子頭,認真誇張,你又認到幾多個?
今年3月出道嘅5人女團CLC,個個熱撐孖辮子頭,認真誇張!
今年4月先出道嘅女團The Ark,好明顯走型格路線,隊中嘅Yujin同Jane都扎咗
今年4月先出道嘅女團The Ark,好明顯走型格路線,隊中嘅Yujin同Jane都紮咗孖辮子,cool look一樣襯得起!
2NE1嘅Dara編髮編上癮,繼側鬢辨後重玩埋,
女團2NE1嘅Dara加埋朵雞蛋花做髮飾,呢個沙灘look一定要跟!
曾演出《沒關係,是愛情啊》,由top model變演員嘅李晟京呢個頭玩,
曾演出《沒關係,是愛情啊》,由top model變演員嘅李晟京,呢個孖辮子頭好貪心,mix埋人氣波波頭,有啲難度喎!

即學!

1. 先扎2條馬尾。 2. 編3手鬢辮,用橡筋綁實。 3. 拉鬆鬢辮。 4. 另一邊如是,完成!
1. 先紮2條馬尾。
2. 編3手鬢辮,用橡筋綁實。
3. 拉鬆鬢辮。
4. 另一邊亦如是,完成!
內容延讀

近排熱爆嘅小丑化妝法,化妝新手必學!
4款同樣咁hit嘅編髮簡易版

 

2. Braid Headband 辮子髮帶
人氣美劇《Game of Thrones》(權力遊戲)入面,個個女角嘅髮型都好靚,細心留意下,其實佢哋清一色都冇用髮飾嘅,靠嘅就係千變萬化嘅鬢辮造型喇!1條幼嘅辮子就做到髮帶效果,連小記嘅女神金亞中都紮添,唔使任何髮飾,髮型一樣elegant,一於今晚返屋企試下先!

金亞中
金亞中個髮型簡簡單單就做到有headband效果,即使短髮都玩到,邊個話辮子頭一定係長頭髮嘅專利?
側面睇重清楚,任何角度都好睇,必試!
側面睇重清楚,任何角度都好睇,必試!
Sistar嘅昭宥一向sexy開,
Sistar嘅昭宥一向sexy開,編咗髮嘅佢突然變得好公主、好夢幻,令小記暈晒大浪!
想多啲變化,可以學4Minute嘅智賢將辮子放喺額頭髮線位置,一樣得!
想多啲變化,可以學4Minute嘅智賢將辮子放喺額頭髮線位置,一樣得!

即學!

1~2. 先在一邊頭髮編1條幼細嘅3手鬢辮,用橡筋綁實。  3. 另一邊如是。  4. 將後腦嘅頭髮梳鬆,打造空氣感。  5~6. 將鬢辮各自橫放喺另1邊,用髮夾固定。
1~2. 先在一邊頭髮編1條幼細嘅3手鬢辮,用橡筋綁實。
3. 另一邊如是。
4. 將後腦嘅頭髮梳鬆,打造空氣感。
5~6. 將鬢辮各自橫放喺另1邊,用髮夾固定。

內容延讀

近排熱爆嘅小丑化妝法,化妝新手必學!
4款同樣咁hit嘅編髮簡易版

 

3. Cornrows 玉米辮子
Cornrows即係將頭髮編成一條條貼緊頭皮嘅辮子,因為黑人民權運動嘅關係,cornrows喺70年代成為咗黑人大熱髮型,所以又叫黑人辮子頭。由舊年秋冬,美國女星Kristen Stewart以cornrow髮型為Chanel拍廣告,到今年歌影雙棲嘅迪士尼女星Zendaya以dreadlocks黑人頭出席《奧斯卡》,cornrows已經強勢回歸!亞洲人玩cornrows唔使太正宗梳起N條玉米辮,玩updo style隨意線條會更加match、更加型!

氣質女演員慶收真梳
氣質女演員慶收真梳起玉米辮子,睇落好柔弱咁,令人有種想保護佢嘅衝動!
想型啲,可以跟女團A.KOR嘅Kemy玩運動風。
想型啲,可以跟女團A.KOR嘅Kemy玩運動風。
成頭咁扎的確幾晒時間,女團4Minute嘅智賢完美試範咗簡單版玩法!
成頭咁紮的確幾晒時間,女團4Minute嘅智賢完美試範咗簡單版玩法!

即學!

1. 編髮前,先將頭髮劃分成多個sections。 2. 喺頭頂位置編3手鬢辮。
1. 編髮前,先將頭髮劃分成多個sections。
2. 喺頭頂位置編3手鬢辮。
3. 以直線一直編。 4. 拉鬆頭頂嘅鬢辮,散亂或者隆起嘅部分可以用髮夾收起。
3. 以直線一直編。
4. 拉鬆頭頂嘅鬢辮,散亂或者隆起嘅部分可以用髮夾收起。
5. 將一側頭髮分2個sections。 6. 每個section各自編3手辮。
5. 將一側頭髮分2個sections。
6. 每個section各自編3手辮。
7. 同樣以直線編至髮尾,另一側如是。 8. 最後用髮夾固定,長髮嘅人可以編至髮尾。
7. 同樣以直線編至髮尾,另一側如是。
8. 最後用髮夾固定,長髮嘅人可以編至髮尾。
內容延讀

近排熱爆嘅小丑化妝法,化妝新手必學!
4款同樣咁hit嘅編髮簡易版

 

YOU MAY ALSO LIKE ...

There are 6 comments

Add yours
  1. 新Monday / 【愛過哈囉吉蒂嘅都不忘買】 D-mop x Hello Kitty 黑白灰運動街頭型服

    […] 〉啱襯 D-mop x Hello Kitty 新衫! 跟埋韓星辮子頭潮玩3款進階版編髮 […]

  2. 新Monday / 【治癒系】帶腦朋友做瑜伽, 禪繞畫 令阿愁唔再愁!

    […] > 順手學埋!韓星辮子頭3款進階版 […]

  3. 新Monday / 【公主病系列】我要化 迪士尼公主妝 !自己動手話咁易

    […] >識埋進階版編髮,咪唔使下下用假髮囉! […]

  4. 新Monday / 想知佢哋用咗咩唇膏? 韓劇唇妝 大公開

    […] >學識呢3款進階版編髮,升呢做韓風女神! […]

  5. 新Monday / 【毛髮毛辮】9大韓風 狗狗髮型 ,超萌必跟!

    […] >扎得咁叻,玩多3款進階版韓星辮子頭 […]

  6. 新Monday / 【唔做腹痛菇菇】識飲識食冇 M痛 ,安心渡過嗰幾日!

    […] >學埋《玩轉腦朋友》指甲教學,M痛梗係畫阿樂! […]


Comments are closed.