勁減32公斤！韓星朴寶藍、9Muses力捧 紙杯減肥法

紙杯減肥法 其實係點？

1. 孫宥娜 3星期減10公斤

孫宥娜係乜水？冇佢嘅話，係唔會有呢個post嘅出現，因為佢就係 紙杯減肥法 嘅始創人（掌聲唔該）！佢嘅食物攝取量非常有規律，規定自己早午餐只可以食1杯碳水化合物、1杯菜加半杯蛋白質。晚餐就將碳水化合物改為半杯，然後照食1杯菜加半杯蛋白質。

就係靠住呢個食物比率，孫宥娜喺短短3個星期入面勁減10公斤，簡直係減肥界嘅傳奇，難怪以下落嚟呢班女星個個爭住學！

2. 朴寶藍 兩年減32公斤

朴寶藍兩年前參加歌唱選秀節目《Super Star K》時，好明顯係個珠圓肉潤嘅肥妹仔，勁減32公斤之後激變索女，搞到個個都爭啲唔認得佢。

為咗減肥，佢每餐只係食3個紙杯嘅分量，1日分5餐食，即係早餐、午餐、下午茶、晚餐同宵夜。早餐食番茄、番薯、雞胸肉同1杯菜。午餐就剩係食雞胸肉沙律。下午茶可以食1隻香蕉、3隻蛋白同1隻蛋黃。晚餐就食番薯1個、半杯雞胸肉再加1杯菜。宵夜食香蕉1隻、2隻蛋白、1隻蛋黃同3粒核桃。

朴寶藍之前重出咗新歌〈Super Body〉，MV入面隻舞並唔係普通嘅舞，而係由健身教練同舞蹈老師一齊編出嚟嘅瘦身操，就算唔係粉絲都睇吓先啦！

內容延讀：

＞睇埋AOA雪炫推介嘅流質減肥法！

＞Sistar昭宥6大減肥秘訣大公開，S形身材不是夢！

3.Nine Muses 食1杯就夠

啱啱出咗新歌〈Hurt Locker〉嘅女團Nine Muses ，向來以無敵美腿聞名，原來佢哋都係 紙杯減肥法 嘅粉絲，重要將佢進化成每餐食1杯分量就算，2/3杯用嚟裝飯，剩低嗰1/3就裝菜。見佢哋平時又唱又跳咁，食得咁少嘢會唔會暈低架？

4.Secret 維持飽肚感

大家都係索爆女團，Secret就減得健康過Nine Muses好多，唔會剩係食1杯之餘，1日3餐以香蕉、番薯、牛奶同豆腐為主。番薯夠高纖，可以維持飽肚感。香蕉又可以提供足夠熱量，牛奶亦可以補充蛋白質。有足夠營養，跳起舞嚟都有力啲啦，係咪先？

內容延讀：

＞睇埋AOA雪炫推介嘅流質減肥法！

＞Sistar昭宥6大減肥秘訣大公開，S形身材不是夢！