adidas D Rose 773 IV 打街場冇得輸

波鞋

廣告

D Rose 773,係1對對D Rose故鄉致敬嘅鞋款,773代表芝加哥喺美國嘅區碼,基本上呢條產品線就係D Rose對芝加哥嘅致敬,脫離D Rose 5輪廓並注入更多唔同性能、細節,今回啟用新科技令呢對鞋實戰時更具競爭力,唔只睇得重打得,773,代表著要將芝加哥發揚光大,亦代表著世人對呢朵玫瑰下季重新起飛嘅寄望。

text – Lok(ig:loklokb1021) photo – Billy

街場之選
相比起D Rose 5,D Rose 773 IV嘅外形望落更加似1對「出街鞋」,但其實官方設定佢為「實戰向」,總總設計都係為落場打波而生。D Rose 773 IV嘅性能建構於兩大重點上,分別是全新登場嘅Bounce中底同足踝部位嘅彈性固定帶設計,整體而言就係1對強調保護性嘅鞋款。
Bounce中底其實係柔軟而具彈性嘅發泡材質,雙腳落地時會有舒適嘅承托,並將衝擊力完整咁分散,當要起跳時腳掌嘅發力點又可以有軟硬適中嘅密度,為每個起動動作帶嚟高度反應性。而腳踝嘅彈性固定帶則進一步增強保護性,透過同鞋帶嘅連動設計,只要一拉緊就夠將腳踭同小腿鎖定,同時極具彈性,令鞋面都有包覆同支撐作用。除咗呢兩大性能,作為1對戶外籃球鞋,D Rose 773 IV用上耐磨物料,延長鞋嘅壽命,同時喺鞋身中段內外側都採用透氣網布,絕對係今夏街場之選。

另外,adidas D Rose 773同步亦推出服飾系列,分別有招牌D Rose玫瑰logo同「basketball is everything」 slogan tee,一於就襯好成set落場!

adidas旗艦店 尖沙咀漢口道17號 2730 0157


內容延讀

【今夏必試】曬出個紋身!大熱無痛天然製TANTOO

【波鞋狂熱】本週5大必買新鞋

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!