【最詳盡試玩片!】筋斗王試盡全港最大彈床樂園6大區!

熱話

廣告

前兩日我哋全港最先試玩咗全港最大彈床樂園Bounce,重拍埋片俾大家睇。不過6大玩區只係開咗躲避球區,有讀者話睇得唔夠過癮。好!今朝我哋再次搵嚟tricking(一種結合空翻同武術嘅運動)達人、有筋斗王之稱嘅 Thomas,再加上兩位tricking資深愛好者阿龍同昆哥,玩盡Bounce6大區,唔講咁多,去片你就知道呢個彈床樂園有幾好玩!

text-蒲東 photo-新、軒

初學到筋斗達人都啱玩

Bounce2萬2千呎嘅區域其實共分為8大區、80 幾張彈床俾你玩:分別有兩個躲避球場、Free Jumping區、The Wall區、Slam Dunk區、Big Bag區同Super Tramp區同埋俾你跳到攰hea下嘅Tuckshop by Classified區。幾個區嘅程度由淺入深,無論你係初學者定係筋斗達人,都一樣咁啱玩!

Free Jumping區 (難易度:**,以5*難度為最高)

呢度係Bounce嘅主台 :場地空間寬廣,有35張彈床,同一時間可容納25個人同時玩,由互相連接嘅彈床、翻躍跑道同傾斜彈床合併而成,筋斗達人如Thomas當然可以狂彈狂條玩餐飽,但新手如筆者亦可以原格跳先feel一下彈床感覺,因為每格彈床空間都好大,跣親撻低而整親嘅機會較低。

Big Bag(難易度:*)

絕對係初學者練習基本功、翻筋斗嘅好地方,佢為練筋斗者提供一個巨型而且非常柔軟嘅落腳點,你可以由較易嘅前空翻開始練,跟住就係後空翻,練咗個感覺之後就可以去其他場如Free Jumping區玩,絕對係一個「練武場」!

Slam Dunk(難易度:**)

好想試下好似NBA球星咁入樽但人唔夠高同彈跳力唔夠?唔緊要,呢度嘅入樽區就可以實現你呢個夢想!玩熟咗重可以加入更多花式動作,大風車、360,乜都得呀,不過大家要小心彈過龍撞親個頭呀!

內容延讀:

【 Batman V Superman 最新預告片!】索爆神奇女俠現身(多圖)

【怕血腥勿入!】粉絲自製 《龍珠》主角殺人數目圖

The Wall(難易度:*****)

絕對係專家級嘅show quali區域,利用高反彈效能嘅彈床衝上The Wall 「skywalk」再反彈。不過就算係初學者,只要經過一段時間練習,一樣可以扮忍者飛簷走壁!

Super Tramp(難易度:****)

4×7 米全場最巨型嘅彈床為你提供最強彈力,雙腳輕輕用力已可彈到喪高,類似飛行嘅空中體驗,呢張彈床同The Wall區一樣,需要有相當玩彈床經驗嘅朋友先可以駕駁。

Dodgeball區(難易度:***)

有2個場,其實難度唔高,成班人玩超好玩,係驚笑到抖唔到氣啫!

內容延讀:

【 Batman V Superman 最新預告片!】索爆神奇女俠現身(多圖)

【怕血腥勿入!】粉絲自製 《龍珠》主角殺人數目圖

Tuckshop by Classified

彈到攰,可以嚟呢度坐陣,可以鳥瞰成個樂園嘅活動,重可以飲下咖啡同小食叉叉電!

認住超彈Performance Trampoline

上文都有講過,初學者要注意場中mark有「+」號嘅彈床,因為呢張彈床嘅彈力係達至奧運級水平,特別彈,係俾一啲擁有較高技術水平嘅玩家show quali。

要提提大家,入場一定要俾多$20買佢嘅哋防跣襪,玩得安全最緊要啦!

達人教路:初學者先get個彈跳feel

3位達人玩完之後都話每一格嘅彈床夠晒大,而且彈力十分適中,就算初學者都好快上手。綜合佢哋3位,有以下tips俾初學者:「記住同一格嘅彈床嘅設計只係俾一個人玩,千祈唔好兩個 人喺同一格彈,呢樣嘢係為安全。同埋初學者切忌一步登天,開始一定要原地跳,先摸熟彈床嘅彈力同埋彈跳嘅感覺,有feel熟晒先再練其他動作。最後係要飲充足開水,同埋唔好貪玩搏晒命咁跳,因為咁樣好易抽筋0架!」

Bounce HK
地址:香港九龍灣展貿徑1 號九龍灣國際展貿中心EMAX 地下

開放時間:9:00am – 9:00pm(星期日至四)

9:00am – 12:00mn(星期五至六)

價錢:$150/小時(大人小童同價)

查詢:http://www.bounceinc.com.hk
內容延讀:

【 Batman V Superman 最新預告片!】索爆神奇女俠現身(多圖)

【怕血腥勿入!】粉絲自製 《龍珠》主角殺人數目圖

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There is 1 comment

Add yours

Comments are closed.