後生女都要學定先!4大凍齡美魔女keep fit保養秘密

後生女都要學定先!4大凍齡美魔女keep fit保養秘密

羅霖年屆半百先出性感寫真,小編睇完啲相之後,有兩個感想:1. 單親媽媽為咗賺錢湊大3個仔,可以去到好盡。2. 佢嘅年紀明明做得我阿媽,點解個樣重後生過我,身材fit過我咁多?我想搵窿捐啊!講到保養同keep fit,識跟一定係跟美魔女學嘢。人哋話女人唔keep好易老,以下4個美魔女話你知,識得keep直頭唔會老!

text-Emily(ig:emkiuuuuuuuu)photo-網上圖片

 

1.羅霖 按胸防下垂

身為3子之母嘅羅霖,絕對係美魔女之中嘅美魔女。雖然接近50歲先出噴血寫真,但一啲都唔趕客,剩係睇佢又滑又挺嘅胸部,已經砌贏晒書展啲o靚模。

為咗keep住胸部線條,羅霖每晚都會自己按摩胸部,同埋做加強胸部結實嘅運動。佢每次沖完涼都會全身搽body lotion,重會每月定期做2至3次人手推脂通淋巴,保持住完美嘅身形。

係咪又滑又挺先?
係咪又滑又挺先?
走暗黑內衣公主路線亦得,得咗!
走暗黑內衣公主路線亦得,得咗!
戀上你的床
戀上你的床……
MASSAGE
每日花5分鐘做胸部按摩及按壓,跟圖順箭嘴方向做按摩,圓點做按壓,包你都可以保持堅挺。

 

2. 周海媚 「肌斷食」護膚

48歲喺周海媚喺《武媚娘》(武則天)入面驚現「西瓜胸」,加上佢又白又滑嘅皮膚,靚到小編爭啲窒息,范爺都要行埋一二邊!

或者真係天生麗質,周海媚嘅護膚方法居然係搽得愈少愈好。面膜好耐先敷1次,有時洗完面就咁搽爽膚水就去瞓。專家話呢招叫「肌斷食」,因為肌膚本身有有自我修復力,定時減少用護膚品,反而可以刺激肌膚運作,令膚況更加穩定咁話。而家天氣咁濕,真係可以試吓喎!

病都靚成咁﹗皮膚質素唔輸俾啲後生女。
病都靚成咁﹗皮膚質素唔輸俾啲後生女。
好可愛啊!
好可愛啊!但個重點唔係呢到…

內容延讀

一樣keep得咁好!5大星級辣媽產後瘦身秘訣

要保養,洗面最重要!睇吓邊隻洗面膏好用

3.周慧敏 唔曬太陽

雖然不嬲都覺得周慧敏keep得好,但早排睇完《大時代》,更加認真地懷疑,究竟佢係咪食咗防腐劑?廿幾年前做慳妹嘅佢,同而家47歲嘅佢,幾乎係冇!分!別!

原來女神真係唔食人間煙火,周慧敏自從26歲開始就冇曬過太陽,有太陽嘅地方一定擔遮。紫外線的確會加速皮膚老化,女神有樣重有智慧!至於減肥方面,佢堅持每餐只係8成飽,最鍾意食低膽固醇嘅魚肉。

難得低胸,要save低!
難得低胸,要save低!
《等一個人咖啡》嘅佢,直頭有仙女feel。
《等一個人咖啡》嘅佢,直頭有仙女feel。
你睇吓,真係同而家冇分別咖。
你睇吓,真係同而家冇乜大分別。

 

4.鍾楚紅 調節食量

講到美魔女,點可以唔提紅姑?55歲喇,次次行出嚟都重係靚到「叮」一聲,佢話保持年輕秘訣係笑多啲,聽講紅姑好鍾意周圍搵好嘢食,食埋食埋咁多,點解重可以咁fit?

原來佢有自己一套食嘢方式,就係今餐食得豐富,下餐一定要食得少同清淡。除咗控制飲食,重好講究養生,飲多啲水係指定動作,揀食物都偏向健康、天然同organic食品,佢亦好注意做運動,游水、yoga呢啲走唔甩,得閒重會去行山。不過佢話佢多數天未光就出發,想捕獲佢就要早啲起身喇!

完美演繹明豔照人呢4個字。
完美演繹明豔照人呢4個字。
素顏都咁靚,傻的嗎?
素顏都咁靚,傻的嗎?
feel唔feel到佢啲氣質湧緊出嚟?
feel唔feel到佢啲氣質湧緊出嚟?

YOU MAY ALSO LIKE ...

There are 3 comments

Add yours
  1. 新Monday / 【美容新品測試】6大磨砂洗面膏激鬥 抵買、幼細、潔淨 - 新Monday

    […] 〉睇完測試要學定!4大凍齡美魔女keep fit保養秘密 […]

  2. 新Monday / 【7.17袋硬】特別版有:CHOCOOLATE x ete! x Disney Tsum Tsum兩用索袋 - 新Monday

    […] 〉着得young,都要個樣young!必學4大凍齡美魔女keep fit保養秘技 […]

  3. 新Monday / 【新吸血鬼瘦身系列】AOA雪炫都撐!好堅嘅流質減肥法 - 新Monday

    […] >想再索啲,睇埋凍齡美魔女點保養﹗ […]


Comments are closed.