繪麗奈拒絕網民街頭合照！指係業界做法被狠批「扮大牌」
廣告
香港首位進軍日本A片界嘅新晉女優素海霖（日本名：繪麗奈），早前首部處女下海出道作一上架就成為日本Amazon熱銷榜冠軍，片商更乘勝追擊推出第二部，反應都算唔錯！其後繪麗奈更舉行見面會，並售賣自家設計海報T恤及雨傘，都吸引唔少粉絲到場。不過日前有粉絲就dm問佢如果係街上遇到佢可唔可以合照時，繪麗奈嘅回應就引起網民熱烈討論，更被狠批「扮大牌」！
繪麗奈稱對出席見面會粉絲唔公平 指「唔合照」係業界做法
繪麗奈係IG就po出與網民嘅對話，佢就先同網民道歉話唔可以，因爲之前舉行簽名會嘅時候，合照都係需要收費，如果貿然係街上遇到就要求合照後，會對當日出席見面會嘅粉絲唔公平。同時指出「唔合照」一向係業界做法，更幽默地表示，「如果係咁嘅話，個日所有人都唔使過嚟啦，直接每日係街度撞我，不過唔好亂咁撞 我會痛。」不過佢都話如果真係係街上遇到佢，雖然唔可以合照，但就可以握手。
河北彩花夏威夷旅行遇上同樣問題！ 「粉絲合照」收費活動先有
有不少網民都支持繪麗奈嘅做法，更po出早前A片界銷售女王河北彩花早前係夏威夷旅行時遇到同樣事情嘅做法！當時河北彩花就表示打招呼同握手都無問題，因爲呢啲都係粉絲服務嘅一部分，不過對於粉絲要求合照就拒絕，原因並非無化妝又或者係件衫唔好睇，而係因爲「粉絲合照」一向都係收費活動上先有嘅服務，如果係街頭遇到佢嘅粉絲想合照，對俾錢出席收費活動嘅人實在唔公平。
網民意見兩極：「日本妹靚咁多，繪麗奈扮上菜」
繪麗奈唔同粉絲合照事件成為連登網民討論熱話，意見都十分兩極！有網民十分支持繪麗奈拒絕合照嘅做法，並指出事件發生係日本女優身上就係「規距」，發生係香港人身上就係「大牌」，講法唔公平。但都有網民指，「日本妹靚咁多個隻肥嘢扮上菜」，並指公開講唔影相嘅只有河北彩花同繪麗奈，而其中河北彩花亦只係個人諗到對付費會員唔公平所以先拒絕合照，究竟「真.業界做法」係點真係要由專業人士解釋先得啦！
圖片來源：IG@saika_kawakita__official、IG@thisisshl
