7米高 鐵甲萬能俠 空降尖沙咀The One 變身大戰現場

飲食

廣告

相信一眾7、80後嘅朋友,或者沉迷過機戰嘅機迷,都應該有聽過鐵甲萬能俠呢個大名。今個暑期,全球最高嘅巨型 鐵甲萬能俠 飛到嚟香港,將The ONE變成光子力研究所,猶如機械人大戰現場,好震撼!

text – william photo – sun

各路機械人大結集
由著名日本漫畫大師永井豪首次舉辦嘅大型展覽,展示過百款有關鐵甲萬能俠嘅手稿、漫畫原稿同絕版珍藏,好多重係首次公開。The ONE中庭變成東京市戰場,將5大經典機械人場景一一重現,更將永井豪筆下嘅鐵甲萬能俠2號、巨靈神、三一萬能俠、愛美神及大鐵牛破天荒雲集。想買紀念品?千祈唔好放過限定聯乘精品,當中更有台灣藝人吳克群嘅品牌DEBRAND聯乘產品添!

鐵甲迷吳克群 想做英雄
展覽重邀請咗台灣藝人吳克群親臨會場,同我哋講講佢究竟有幾like鐵甲萬能俠。問克 群幾時開始鍾意鐵甲萬能俠,佢話:「自小就鍾意機械人,不過細個爸媽都唔俾買公仔,直到8歲先收到兩個玩具,其中1個就係鐵甲萬能俠,嗰時係超級開心。」 問到佢有冇咩珍藏?佢反而話出嚟做嘢後,都會買模型,不過就用嚟送俾身邊嘅小朋友。嘩!咁有愛心,真係不得了,吳克群你本身已經好superhero啦!

The ONE × 永井豪 珍藏基地
日期:即日至8月31日
地點:The ONE UG2層中庭及地下露天廣場
時間:10:00am-10:00pm

 
內容延讀:

>暑假外遊呀?10樣你未必知旅行原來要帶嘅有用物品!

>佬完要冧女 必買必食朗豪坊蛋黃哥站正式啟用

There are 2 comments

Add yours
  1. 新Monday / 日本洋蔥CM 鐵甲萬能俠 扮課長愛員工+必睇埋動漫廣告

    […] 大家唔好被早前香港宏利保險用500蚊請人拍片fake到,其實佢哋係好識搞宣傳。好似最近日本宏利就請嚟 鐵甲萬能俠 拍新一輯CM,故事有血有肉,絕非打打殺殺咁簡單,睇完熱血又滾動。其實日本貴為動漫大國,最愛為廣告加入動漫元素,除咗 鐵甲萬能俠 ,我哋重介紹多幾個動漫CM,有洋蔥有娛樂,要睇晒。 […]


Comments are closed.