率先直擊 必買必食 朗豪坊 蛋黃哥 站(梳乎站)正式啟用

生活

廣告

朗豪坊為慶祝開業10週年,搵嚟2015 Sanrio年度人物大賞選舉第4位 梳乎蛋 (蛋黃哥)賀壽,於場內設置首個香港商場3D場景佈置「梳乎蛋食堂」,有壽司店、麵包店、火車站等等,而商場4樓通天廣場亦會變身「梳乎町」,裡面有梳乎壽司店、蛋香樓及Gudetama Bakery,真係有得影兼有得食㗎!由於主辦單位已一早同我哋《新Monday》夾好晒,之前一有場地設計圖片,pop-up store 勁打耳產品等都俾晒我哋率先公開,因為…編輯部上上下下都係梳乎蛋 蛋黃哥 粉絲嘛!有好嘢一定預埋你哋啦!

今日(7月6日)係整個大型展覽嘅set up日(明日7月7日正式開始),我哋又晨光早已殺去朗豪坊,將所有「梳乎町」裝置第一時間show俾你睇,小編眼見梳乎蛋化身大大件壽司呀,蛋卷呀咁,個樣勁搞笑,真係想撲埋去狂selfie一番,不過為咗俾你哋先睹為快,影晒靚相俾你哋睇先啦!重有最正係個「梳乎駅」,梳乎蛋條友仔平時冇嚟正經,今次竟然化身站長,我睇到真係笑咗出嚟XDDD

點呀!睇完係咪即刻想去睇呀?去唔到住?睇睇相先囉,包你睇完開心成個下午,明日即撲去影影影啦!呀!今日(7月6日)pop-up store會率先開張,去買住嘢先啦!

text-singh photo-攝影組

超人氣Sanrio 新星Gudetama 7月hea到朗豪坊!
– 開放日期:2015年7月7日至9月6日(免費入場)

– 香港首間Gudetama Pop-up Store 7月6日啟動,部分梳乎蛋產品日本空運到港搶先發售,數量有限,售完即止。
內容延讀:

>我哋有得全套送 朗豪坊×梳乎蛋全港獨家紅蛋新造型

>佢真係好紅! Sanrio 人物大賞蛋黃哥賴死唔落台

 

 

香港有甚麼地方適合與閨密、情侶,一大班朋友去?

與閨密、情侶約會的話,當然要選擇氣氛好的地方啦!全港12間必去天台酒吧 都超有feel,傾得興起難免會飲多幾杯,如果出現這些醉酒特徵 時就要適可而止了!返工返到攰,不如一齊去按摩店鬆一鬆,油尖旺按摩店 非常多,實有一間啱你。一大班朋想熱熱鬧鬧,燒嘢食最好不過了,即刻熟讀BBQ技巧7式 ,包你喺燒烤場上戰無不勝!

家居清潔有甚麼好方法?

家居清潔非常重要,做不好隨時影響健康!很多人因為床褥體積大不容易洗滌,而忽略了床褥清潔,即睇5招床褥清潔方法;冷氣機內外都容易累積大量灰塵,洗冷氣機方法好簡單,輕鬆洗走灰塵黴菌。當然做足家居清潔都不能避免曱甴入屋,10種有效消滅曱甴攻略幫到你!

There are 4 comments

Add yours

Comments are closed.