Olive is the new Black!本週5大綠色潮物推介

波鞋

廣告

碧咸老婆Victoria出名鍾意由頭着到黑,不過佢俾人笑咗好多年,因為全黑魂style唔興好耐,你見Rick Ownes近年玩多咗白色同杏色就知!Olive軍綠色已經係潮流,男士想着「穩陣」、沉實一啲嘅顏色,一定係揀綠色。

今星期有幾件軍綠同青綠色嘅items值得推介俾大家,有衫、帽、鞋同遮,全方位地潮,唔會襯漏!

text-男潮組 photo-攝影部

 

PORTER×前原光榮商店

織人雨傘

為慶祝YOSHIDA & CO., LTD. (吉田株式會社)創業80周年,佢就特別搵嚟日本雨傘老字號-前原光榮商店合作推出80周年紀念限定摺傘。天然木材手柄配以PORTER極具代表性嘅TANKER尼龍面料製成遮布,而遮袋同樣以尼龍料製成並縫有PORTER 布章,極具紀念性。

 

KURA CHIKA 銅鑼灣崇光百貨三樓 2834 6675

 

MINOTAUR
識戴一定係戴綠帽

中國傳統男人忌戴綠帽?咪再咁老套啦,墨綠色帽總係有一陣魅力,好似全新日牌MINOTAUR今季呢頂bucket hat,帽上更有軍味detail,型到不行,如果真係唔鍾意,可選黑色,或者反轉佢嚟戴(細圖),玩UC味嘅圖案,一樣咁得。

 

JUICE TST 尖沙咀緬甸臺2號 2311 9006

內容延讀:

30款靚襪晒冷!夏天襯短褲點少得

編輯部示範!6大潮襪襯波鞋、涼鞋造型

Kurt Geiger 英倫夏鞋

隨住Kurt Geiger喺Times Square專門店開幕,品牌以「You had me at Aloha」為主題嘅悠閒鞋系列亦陸續到港。今季系列就以帆布鞋(espadrilles)作為重點item,加上醒神價格,春夏出海可以平執返對試腳。

Kurt Geiger 銅鑼灣時代廣場 511-512 號鋪 2504 3812

 

ZARA
青出於黑

Fast fashion品牌快到離譜,比好多高檔時裝牌仲要快,ZARA喺呢個時候已經造秋冬裝,時裝生態完全改變,對消費者嚟講絕對好事,因為好早已經可以用合理價位買到讓季流行服飾。今季秋冬興咩?筆者都未必講得準,但肯定olive is the new black,玩軍綠色一定潮過黑魂,無該係軍褸定係內層tee,買olive色冇死!

ZARA 銅鑼灣時代廣場313-16號鋪 2506 0070

 

native
膠鞋也HI-END

鞋形似NIKE嘅ROSHE RUN,其中灰色顏色配搭似adidas Yeezy BOOST 750,連native呢個膠鞋王都要hi-end化,睇嚟波鞋潮流唔再係只打潮童市場。不過呢對型號Apollo唔膠底晒,鞋底先係膠,鞋面係麖皮,高貴到咁,native就嚟襯到GIVENCHY。

WOAW 上環歌賦街11號地下 2253 1313

 
內容延讀:

30款靚襪晒冷!夏天襯短褲點少得

編輯部示範!6大潮襪襯波鞋、涼鞋造型

有甚麼波鞋推薦?

不論男女波鞋都是大家每天襯衫必備的單品之一,白波鞋更是百搭之選,必買10大易襯白波鞋,輕鬆carry每個造型!香港天氣變幻莫測,唔想濕住腳行街,一對Gore-Tex防水波鞋會是必然之選,若然唔好彩弄髒波鞋,即用這6招洗波鞋方法幫波鞋還原靚樣!

如何揀一對適合自己的波鞋?

揀鞋當然要揀一對啱size的鞋,的確很多人經常入錯波鞋size,以下就為大家綜合15款大熱波鞋size攻略,幫大家選擇最佳尺碼。除了尺碼,波鞋的性能也很重要,消委會測試了 11款防水行山鞋,大家不妨參考一下當中款式的優劣之處。最後當然是款式,最新New Balance復古經典鞋款再來襲,身為潮流達人的你快入手一對吧!