英皇慈善基金 X  希望種子籃球 畢業禮 籃球夢想

英皇慈善基金 X 希望種子籃球 畢業禮 籃球夢想

1997年成立嘅英皇慈善基金,一直喺慈善方面不遺餘力,推動教育、醫療、文化等公益慈善活動。 希望種子籃球 (主要透過籃球教育青少年,關懷弱勢家庭、兒童),由12年成立至今3年,喺英皇慈善基金嘅支持下,發展愈嚟愈好,每年加入 希望種子籃球 嘅人(成員、義工)亦不斷增加,所以今年首次舉辦「 希望種子籃球 畢業禮」,鼓勵有進步嘅學員之餘,又可以總結過去日子,喺之後嘅路途更加努力,令所有種子可以更茁壯成長,向佢哋嘅夢想進發。

text – aMan photo – packo

當日幾個單位嘅核心人物包括(左至右)英皇藝人陳家樂、英皇集團企業傳訊總監吳詠嫻小姐、新傳媒集團行政總裁許佩斯小姐、新傳媒集團營業及市場推廣執行董事李志強先生、希望種子籃球亞洲主席梁國成、希望種子籃球義務顧問Hugo,同埋《NM+ 新Monday》總編張志明都有現身支持。
當日幾個單位嘅核心人物包括(左至右)英皇藝人陳家樂、英皇集團企業傳訊總監吳詠嫻小姐、新傳媒集團行政總裁許佩斯小姐、新傳媒集團營業及市場推廣執行董事李志強先生、 希望種子籃球 亞洲主席梁國成、 希望種子籃球 義務顧問Hugo,同埋《NM+ 新Monday》總編張志明都有現身支持。

關我咩事?
每年 希望種子籃球 都會舉行「 希望種子籃球 成長企劃」,提供籃球訓練同埋社區服務學習活動俾基層兒童及青少年,經過過去1年嘅訓練,喺星期日(28/06)終於舉行畢業禮。
話就話係畢業禮,其實都係想小朋友同家長一齊開心下,活動更邀請咗一向鍾意做運動嘅陳家樂(Carlos)同一班學員,齊集麥花臣球場,打下友誼賽、玩下競技賽。開心之餘,又藉住畢業禮,表揚「 希望種子籃球 成長企劃」嘅學員同義工……聽落覺得「關我咩事呀」?咁係因為你唔了解希望種子,好似參與咗畢業禮嘅Carlos事後就話:「希望種子計劃真係好好,可以有位哥哥/姐姐喺你成長、追求夢想嘅時間,教導、幫助你以正確態度去追求夢想。」Carlos講嘅只係希望種子其中1 part,睇埋落去,你就會知道更多!

Carlos當日不時同一班學員傾偈,聽完佢哋分享之後,深深感受到因為希望種子,令好多年輕人都有正面嘅改變。
Carlos當日不時同一班學員傾偈,聽完佢哋分享之後,深深感受到因為希望種子,令好多年輕人都有正面嘅改變。
雖然話係透過籃球教育青少年,但呢班青少年嘅球技都有因此而提升,咪睇佢哋年紀細細,分分鐘好打過我!
雖然話係透過籃球教育青少年,但呢班青少年嘅球技都有因此而提升,咪睇佢哋年紀細細,分分鐘好打過我!

內容延讀:

迷你兵原生髮型?團員無女仔? MINIONS 8大秘密!

氹囡囡紋MINIONS 咸爺5大愛家紋身解讀

背後的意義
只係以筆者嘅文字,未能表達得晒希望種子背後嘅一切,不如聽下創立人梁Sir、顧問Hugo同參加完活動嘅Carlos,分享下佢哋對背後嘅故事同感受。

4
左為義務顧問Hugo,右為創立人梁Sir,兩人形容關係似兄弟,Hugo重笑言身型梁Sir似阿哥,但講年紀佢先係哥哥。

5

希望種子義務顧問Hugo:
感動又自豪
「由第1次認識阿成(梁sir),知道佢有呢個計劃之後,好快我已經答應出任顧問,可能佢細個生活環境唔係咁好,其實我都係,屋企好窮困,甚至差到係人哋會叫我係乞兒仔……當我知道希望種子係想幫助一啲家庭經濟唔係太好嘅小朋友、年輕人,因為自己嘅經歷,所以好想做到呢件事。今次畢業禮,令我既感動又自豪。感動係見到呢班年輕人,由最初連同人講嘢嘅自信都冇,到而家充滿信心咁打籃球比賽,其實大家以為打籃球只係令身體健康啲,我哋最想做到嘅,係令佢哋嘅心理都成長埋;自豪係見證到阿成佢哋嘅努力係有用,我成日話相比起佢哋做嘅工作,自己係微不足道。我嘅功用係幫助希望種子不斷develop,就算我做到幾多,佢哋唔努力,都唔會有意思!」

希望種子創立人梁國成:
希望可以做更多
「由最初只係喺天水圍義務教下小朋友打波,慢慢想做多啲,成立希望種子,主要目的係藉籃球運動,教導青少年正確嘅價值觀及人生觀,同時亦幫助佢哋發揮所長,回饋社區,好似『 希望種子籃球 成長企劃』,提供籃球訓練同埋社區服務學習活動俾基層兒童及青少年……到今年第3年,好開心可以舉行呢個畢業禮,鼓勵佢哋日後繼續努力。(未來目標?)當然想擴大我哋嘅服務範圍,之前我哋主力喺天水圍同深水埗,之後想喺九龍同港島都可以提供訓練,因為而家有唔少學員都係嚟自港島區,經常過海都唔係太方便,而擴大服務範圍,又可以有更多有需要嘅基層兒童可以受惠。」

b

7

英皇藝人陳家樂:人間有愛
「我覺得 希望種子籃球 係個好有愛嘅組織,因為佢哋嘅方向係關懷弱勢家庭、兒童,佢哋好多哥哥姐姐都親力親為去照顧每位小朋友,陪佢哋一齊成長 ,引導佢哋走條正確嘅路。當日認識咗1位小朋友,佢係肥仔,佢參加咗呢個計劃後,有個哥哥教佢打籃球,陪佢減肥,重會鼓勵佢學英文,令佢由以前1個又肥又懶嘅肥仔,慢慢去轉變、進步同改變自己,呢個計劃真係好值得支持!」
內容延讀:

Let’s Run夏日版捕獲 最型跑手Snaps分享陪跑歌(上)

LET’S RUN夏日版推介 今夏9大重點要有跑鞋

YOU MAY ALSO LIKE ...