【杜如風】午夜夢迴

電視

廣告

【Trend’s Like Wind by杜如風】拍攝回港後的1個星期,患了重感冒、發燒,又冷又熱又抖震,立即去看醫生,心想:「終於都發出來了!」因為這隻可惡的感冒菌,在我的拍攝期 間,一直在身體內醞釀,小妹一直以日本的強力感冒藥壓制住它,不讓它跑出來影響我們的拍攝進度!最終,在我免疫能力最低的時候,發燒發到你死我活!看完醫 生,喪瞓了2日2夜,終於好過來了。

昨晚午夜夢迴,突然扎醒:「死喇!今日拍邊度、着邊套衫呢?自己帶嚟嘅衫都好似着到七七八八喇喎,不如着新買嗰啲啦,都襯到我帶嚟嘅鞋嘅⋯…」然後矇矇矓 矓地準備起身,在床上一個反身:「吓,㸃解摸到我隻貓嘅?」唉,才驚覺是自己午夜夢迴,腦袋仍留在日本忘了帶返港,都說我永遠執行李都執漏嘢架啦!
醒來後,我將這件烏龍事告訴導演,導演回了一句:「今日拍佐佐木公廁!」那刻我非常認真地回答:「即係又要排隊啦…⋯OK,咁我唔着高踭鞋換番對波鞋啦! 條隊好長龍呀!」然後,我又再倒頭大睡了!太好了,原來我已經脫離我的「危險期」,每朝摸到我的貓兒睡在我旁的感覺太好了!不用再晨咁早起身整頭化妝了!

這次旅程的確刻骨銘心,因為我終於不用入醫院了!雖然都病到入醫院的邊緣,但總算捱過了!然後又回導演一句:「係代代木公園呀!唔係你成日都講錯嘅佐佐木公園呀!」看來自己已回足氣了,導演們,我可以再回東京搏殺了!行得未?

text-杜如風