專家大踢爆 《侏羅紀》恐龍6大誤點!

專家大踢爆 《侏羅紀》恐龍6大誤點!

勁!《侏羅紀世界》(以下簡稱《侏4》)上映1星期,全球票房已經吸金超過5億美金!電影商乘勢追擊宣布開拍續集,主角Chris Pratt亦已簽約繼續做主角。

電影咁紅,自然多「親家」,唔少古生物學家都出嚟議對《侏》電影真實性議論一番。好似美國馬里蘭大學古生物學者Thomas Holtz,佢本身係《侏》片影迷,佢同傳媒大嘆《侏4》裏面嘅恐龍真實程度同第1集差好遠,信電影真係變豬籮咁話!

holtz

Thomas Holtz

Text-專題組

1.恐龍1毛不拔?

當然啦,Thomas係著名古生物學家,講嘢梗有根有據,佢就話由第1集《侏羅紀公園》至今嘅20幾年裏面,古生物學界已經update咗好多恐龍嘅資料﹕「古生物學界已經證實大多數恐龍身上都有各種班紋同羽毛,但《侏4》嘅恐龍仍然一毛不拔,呢樣真接受唔到。」以下兩張就係古生物學家假想嘅暴龍圖,上面嗰張係有斑紋,下面嘅張係有羽毛嘅暴龍…變到好可愛…我先接受唔到囉!

002

003

2.暴龍其實無近視?

《侏》系列最受歡迎當然係暴君龍T-Rex啦!呢隻陸上最強嘅捕獵者,喺1902年被人類發現後,一直都認為佢極之兇殘,但近年有科學家發現, 暴龍係一種食以大型食草恐龍屍體為食嘅食腐動物,嘩!真係霸氣盡失!重未算呀!如果係《侏》迷,應該記得系列嘅恐龍專家Dr.Grant(森尼爾飾)唔止一次講過,暴龍係大近視,只可以看到移動嘅嘢。但近年有專家話暴龍對眼係朝向前面生長,視覺重疊區大,即係話佢哋有立體視覺,睇嘢好似人類咁好0架!

Jurassic-Park-T-Rex

3 . 電影隻暴龍有名?

講少少題外話先,近兩日網上有稱係官方傳聞,原來《侏4》嗰隻暴龍係第1集嗰隻嚟0架!喺電影中呢隻暴龍無名字更無提過佢嘅性別。但小說就有詳細提及﹕《Jurassic Park》小說中,獵人Robert Muldoon幫呢隻雌性暴龍改咗個女仔名「Rexy」。另外大家覺得戲裏面嘅暴龍大大隻,原來佢喺肉食恐龍裏面體積排名只喺棘龍(即係第3集咬鬼死暴龍嗰隻)、鯊齒龍同南方巨獸龍之後。下圖從左到右為:棘龍、鯊齒龍、南方巨獸龍、暴龍嘅體積比較。

010

 

內容延讀﹕

意猶未盡?再睇《侏羅紀世界》十不解.釋,睇完呢10點包你爽!

再睇食正3D《侏羅紀》、《星戰》熱!超打耳立體投射即燒牛扒

4.滄龍巨大化?

《侏4》片中除咗從水中跳一啖咬走條鯊魚嘅海中霸王滄龍,阿Thomas就話雖然真實都係體積巨大﹕「有紀錄最大嘅滄龍可以長到21米(約兩架雙層巴士咁長),但《侏4》電影中滄龍嘅比例,大到好似波音747飛機咁巨型!我好失望,電影製作團隊可能為咗俾觀眾更有官能刺激啩!」

hgxfysec5xcn2odalxrojurassic-world-trailer-0000-600x360

5.速龍似火雞?

講開小說,《侏》第1集第1隻出場嘅速龍都有名,叫「The big one」。今集4隻速龍都好搶鏡,比主角更主角。《侏》電影系列嘅速龍形像兇殘、狡猾甚至聰明絕頂。原來現實同電影差好遠﹕首先體積方面,真正嘅速龍只有火雞咁大。電影中嘅速龍無論體型同行走姿勢,其實係參考另一種叫恐爪龍嘅恐龍。另外速龍嘅智力亦無電影講到咁高,甚至比唔上現代貓科動物。最後一點係,電影中嘅速龍都係光脫脫嘅無毛一族,專家話呢啲「火雞仔」應該全身覆蓋住勁厚嘅羽毛。

 

007
似火雞嘅速龍,你接唔接受到?

raptor_squad_by_tyrannuss555-d8fb617

6.想睇真恐龍?第2世啦!

最後一點,亦係最重要一點,就係《侏4》中以阿Dr.Wu為首嘅恐龍品種開發團隊技術已經勁到可以隨意將生物嘅DNA亂溝整咗隻Indominus Rex出嚟。現實中雖然有科學家嘗試將古代猛瑪象嘅DNA混入現代非洲大象度,但距離複製恐龍嘅技術重爭十萬八千里遠。想睇恐龍?買飛入場囉!

ZoPAIEC_resize
Indominus Rex

dna2

即睇《侏羅紀世界》I-Rex追殺0靚仔﹕

http://www.youtube.com/watch?v=ivG0kdJAy7k
內容延讀﹕

意猶未盡?再睇《侏羅紀世界》十不解.釋,睇完呢10點包你爽!

再睇食正3D《侏羅紀》、《星戰》熱!超打耳立體投射即燒牛扒

YOU MAY ALSO LIKE ...

There are 2 comments

Add yours

Comments are closed.