4大古早必食 台南美食節你要識食

飲食

廣告

天氣好熱想行商場食下嘢?但悶悶地又心思思想食下台灣美食?我哋就有好介紹,喺鑽石山荷里活廣場就有個台南美食節。等你唔使飛去台南都可以食到充滿「古早味」嘅超正美食!即刻同你先睹為快。

Text-William Photo-William


我地精心為你挑選4大必食 ,等你唔使去到唔知點好。

4大古早必食

鴻品牛肉溫體牛腩湯

修安扁擔豆花扁擔豆花

明新食品古早味鮮肉包及麵茶

松稜糖燻滷味糖燻滷味三拼

同埋重有周氏蝦捲、度小月、黑橋牌等一個個耳熟能詳嘅牌子。


1/修安扁擔豆花


有幾威水?

曾奪得2012台南十大伴手禮奬、2013台南百家好店、2014台南金鑽百家好店等大奬,連《康熙來了》都有推介。甚至外國Discovery Channel、日本NHK及法國La Tournée des Popotes同美國CNN都有評選佢為台南19家必吃小吃之一。

傳統豆花就係用扁擔ㄧ邊挑著豆花一邊挑著糖水沿街叫賣,而扁擔豆花喺台南係老字號啦。豆花遵循古法,嚴選非基因改造黃豆,不加防腐劑、香料及色素等化學原料。


2/明新食品古早味鮮肉包

有幾威水?

曾獲選台南市政府府城十大伴手禮推薦廠商。

創立至今已52年,歷3代製餅經驗。鮮肉包精選7分豬前腿肉及3分五花肉混合而成,加上蒲里香菇及歸仁紅土鹹鴨蛋製成內餡。而充滿古早味嘅麵茶,以前被稱作嬰兒食品,其實就係用麵粉、芝麻、杏仁、花生跟植物油,再用熱開水沖勻攪拌,慢炒出細貨。

 

內容延讀:

週末潮食激抵雪糕夾餅

有片睇﹗即製得意小白窩夫

3/松稜糖燻滷味

有幾威水?

連續3年(2007-2009)榮獲府城十大伴手禮及2008年台灣燈會經典美食,亦曾獲《台灣尚青》、《在台灣的故事》、《新台灣大體驗》、《康熙來了》等節目大力推薦

堅持古法製法,每一個製作步驟都跟足傳統逐一完成。食品經由滷汁細火滷煮,再用台灣特有嘅紅糖進行「糖燻」煙燻,色澤誘人,香味撲鼻。


4/鴻品牛肉牛腩湯

有幾威水?

2008年榮獲台南市10大優良清燙業者,亦曾接受台灣《食尚玩家》、香港《TVB街坊廚神》等節目採訪推介。

近年台灣大熱嘅台南獨有之溫體牛。鴻品牛肉嘅牛肉淋上熱湯後有7分熟,仍保留肉味本身嘅甜度。負責人強調當日供應牛肉前一晚才到香港,保証黃金品嚐12小時之原則。


台南街頭小食節@荷里活廣場

市民只需每日下午1時起(至換完即止)即場捐款$20予港澳台灣慈善基金會,可品嘗台南美食1份,每日名額有限,先到先得,換完即止。

日期:6月13日至14日

地點:鑽石山龍蟠街三號荷里活廣場1樓明星廣場