運動女生TELL YOU WHY:化妝做運動無罪!BY T.LUM

運動女生TELL YOU WHY:化妝做運動無罪!BY T.LUM

PIC02
今次文章圖片純粹搞笑,絕非現實中的情況呀!

【女生專屬byT.LUM】(IG: Teresa_Lum)

現在已經嗅到夏天氣息,夏天跑步有時真係又熱又焗,幻想喺海濱長廊跑緊步,迎面而嚟1位着住背心短褲,五官清秀,雙目精靈有神,束起馬尾嘅運動女生,就連我係女仔,亦都會精神為之一振,乜嘢熱氣悶氣都冇晒。

跑道上會遇見數百個人,偶然遇到1位美女,當然養眼。跑步時嘅遇見只有數秒,連hello都未講到,更何況認真觀察人哋五官眉目。本來平常人應該難以觀察出身邊運動女生到底有冇上妝跑步,但唔講唔覺,一講,疑問聲音就不絕。

例如:「吓!我唔明女仔運動點解要化妝囉!」又例如:「咩話,畫眼線跑步?」附加1個驚訝樣。今次題目唔係要所有人認同點解某部分女生運動要化妝,亦唔係個化妝教學,更加唔係要說服每個女生運動就要化妝。坦白講,我平時都帶妝運動,比賽時更加唔使講(以靚字行先嘅運動女生應該明白),所以今次係以我個人經驗解釋番。你可能最後睇完都係唔認同或者唔明白,唔打緊,不過下次唔好再附加1個驚訝嘅emoji就得㗎喇。

如果你係天生麗質,恭喜你!又真係可以唔使化妝做運動,可惜我唔係……
如果你係天生麗質,恭喜你!又真係可以唔使化妝做運動,可惜我唔係……

原因1:並非每個都係天生麗質,素顏需要勇氣

素顏其實對大部分女生而言,都仍然需要一定嘅勇氣,尤其身處1個容易被評頭品足嘅社會。而且,唔係個個都係舒淇或王麗雅,素顏但清秀味道依在,不帶妝仍然五官深邃,更多數女生點都要使用多多少少嘅化妝品修飾自己,令自己更有精神,哪怕只係遮瑕膏,或者係畫上眉毛或眼線。我估你都唔想見到成隻熊貓嘅人類做運動,少少化妝品都係令你同我都feel good。

平常女生出街都會化少少妝,除非你見到佢化咗個晚妝跑步,否則,實在平常過平常。
平常女生出街都會化少少妝,除非你見到佢化咗個晚妝跑步,否則,實在平常過平常。

原因2:女生化妝平常得等於着褲出街

更多運動女生每日都要返工返學,放工放學後,更加要把握時間去做運動。返大學要攞notes、電腦、文具,返工之餘,重要帶多套運動衫,攞嘅嘢已經夠多,實在冇多餘空間帶棉花、卸妝用品,再喺做運動前做卸妝嘅動作……我不如直接換衫跑步,出番身汗!
再者,時下女生畫條眼線只需1分鐘,化少少妝出街已經係生活習慣,平常得等於要着褲出街。既然係個日常生活習慣,又何須為「着褲出街」而感到出奇?

下頁繼續睇原因!


內容延讀

《新MONDAY》跑步影像企劃 RUN2CONNECT「失明篇」~前

女生必學!5個「型不甩」運動髮型BY HIDY BOBO

我知我知,化妝品始終對皮膚唔好,所以,如果時間許可,你又願意,可以用卸妝紙巾清理走面部粉底,只保留眼妝同眉毛,以免運動時毛孔擴張,化妝品會掩蓋毛孔。
我知我知,化妝品始終對皮膚唔好,所以,如果時間許可,你又願意,可以用卸妝紙巾清理走面部粉底,只保留眼妝同眉毛,以免運動時毛孔擴張,化妝品會掩蓋毛孔。

原因3:靚字行先

好多運動女生係靚字行先,無論着咩運動衫、戴咩運動髮飾、着咩鞋款,運動女生都十分講究,更何況係我哋個樣貌。如果你要我以求求其其嘅造型出街做運動,我情願留喺屋企做NTC(NIKE Training Club)。每次做運動,無論力度、造型都應該做到最好,咁先係運動女生應有嘅態度——打得又睇得。

如果我要化妝做運動,一定會用上防水化妝品同保持淡妝。本身係為靚,但做完運動如果流下黑色眼淚,又真係幾嚇人。
如果我要化妝做運動,一定會用上防水化妝品同保持淡妝。本身係為靚,但做完運動如果流下黑色眼淚,又真係幾嚇人。

原因4:運動為自己,唔係其他人

有人話運動人應該喜歡自然感覺,而化妝做運動正正係相反。但其實每個人嘅想法都唔應該應用於其他人身上,你係咁諗啫,又唔代表我係。我做運動係喜歡令自己有自信嘅感覺,做運動亦會令我感到滿足,同化唔化妝做運動係冇矛盾。做運動係好個人,感覺係自己嘅,又何須評價其他人又或者被評價呢?

IMG_1882

身為運動女生,我鍾意做運動,亦欣賞其他女生會做運動,所以無論你跑步定跳舞、化妝定素顏、高矮肥瘦,我哋都唔應該被標籤或者被評論。做運動,自己開心就足夠!講多無謂,行動最實際,我都係去跑個步先。

T.LUM

1個鍾意做運動嘅女生。做運動好簡單,只要鍾意嘅、喜歡嘅、想試想做嘅,就可以行動。


內容延讀

《新MONDAY》跑步影像企劃 RUN2CONNECT「失明篇」~前

女生必學!5個「型不甩」運動髮型BY HIDY BOBO

YOU MAY ALSO LIKE ...

There are 2 comments

Add yours
  1. 新Monday / 【王麗雅】如何開場屬於自己的運動party? - 新Monday

    […] >睇埋化妝做運動原因 BY T.LUM […]

  2. 新Monday / 邊個話做運動唔可以化妝?教你5招化防溶妝! - 新Monday

    […] >運動女生TELL YOU WHY:化妝做運動無罪!BY T.LUM […]


Comments are closed.