唔好啦!又嚟?港產片又玩科幻 古天樂機械人造型曝光

電影

廣告

之前剛知道古天樂投資開拍科幻電影《矛盾戰爭》,唔好怪我,我第一個反應真係咁:「唔好啦!又嚟?港產片玩科幻?死硬!」

先唔好講N年前嘅《鐵甲無敵瑪利亞》,近啲吖,即諗起早2年劉華套《未來警察》,WOW~~夠嚇鬼未,特技仍然old school到不得了,不過今日剛睇到套戲最新預告片,咦!喂!好得下喎!已經好有荷里活製作感覺,古仔個機械人造型勁有《Call of Duty》feel,唔講以為睇緊遊戲trailer,型!緊係,話晒古仔本身好鍾意儲玩具,佢個「倉」(真係成個貨倉咁大)儲咗好多1:1《星戰》figure㗎,所以佢玩呢瓣應該相當出色,我諗古仔呢個造型出埋figure的話,肯定勁多人想儲。

想睇套戲呢?據講今年年尾先開拍,嘩!咁快有trailer同造型照流出,真係好「荷里活」玩法喎!

text-stanley

 

There are 5 comments

Add yours
  1. 新Monday / 古天樂見到都呆X咗!10個中國人泣鬼神的機械工程 - 新Monday

    […] 古天樂投資開拍嘅科幻片《矛盾戰爭》,睇完trailer即刻好興奮,少有港產科幻片特技製作咁堅,古仔嘅機械人造型贏晒,亦拍出現代戰爭feel,睇得出香港人只要認真製作,同樣可以做得出色。其實中國人一樣有科技夢,好多高手在民間,以下介紹呢 10個科技工程,有機械人、有飛機、有坦克、有跑車……皆是鬼斧神工之神級傑作,睇完要起身致敬! […]


Comments are closed.