睇見都痛!涉谷街頭新玩法,大巴大巴任你車

早2日(5月16日),日本涉谷街頭有2名年青人,發起一個叫「Free Slap」嘅活動,唔使錢,任你掌摑,都幾過癮,今日網上瘋傳,要解構下乜事。

被摑者企定定,你憐香惜肉細細力「hi」落佢塊面咩?佢哋唔收貨,係要全出盡力,當中最出盡力一定係班外國人,我見有位手臂粗過我大脾嘅一巴車落去,㗎仔暈咁滯,盞鬼!

我即諗起香港都有位被摑王王浩信,曾喺劇集《法外風雲》被謝雪心勁摑24巴,實屬經典!當然唔少得港女當街掌摑男友事件,睇多次都赤赤痛!

YOU MAY ALSO LIKE ...