Disney+︳4歲表弟驚揭靈異事件 勁恐怖 最後收場…

超自然

廣告

Disney+同Netflix相信已經係唔少港人常用追劇睇戲的平台,但點都估唔到睇Disney+都會撞嘢?!近日就有一位網民喺facebook群組分享一件靈異事件,指同4歲表弟睇Disney+驚揭屋企有污糟嘢,仲要勁得人驚?!

Disney+ 事主開了房間的電視打算播Disney+俾表弟睇。 示意圖
(圖片來源:unsplash@marqueskaspbrak)

因Disney+揭發屋企有不知名「哥哥」!

早前一個女網友就喺Facebook群組「巴打絲打11鬼故台」上分享,其姨媽、姨丈及表弟嚟咗自己屋企玩,佢表示姨媽個小孩只係得四歲,全程都係「好乖好可愛都好願意痴住我」。跟住成班大係喺客廳傾計,所以佢就同表弟去咗房玩,順手就開咗Disney+同表弟一齊睇。本來以為4歲表弟應該會有揀卡通片,點知就揀咗一套劇集,咁一開頭都無咩嘢就同表弟睇啦,點知睇睇吓,表弟突然指住個電視話「表姐你屋企個哥哥好似呢個人啊」女網友就不明白話「我屋企嘅哥哥?我屋企得我同爸媽?何嚟嘅哥哥」,追問表弟「係咪姐姐見唔到架,可唔可以帶我去睇吓呀」後來表弟就帶咗女網民去到屋企廁所指着天花板最角落的位置,表示「哥哥就係嗰度好似蜘蛛俠咁痴住天花板」。

disney+
(圖片來源:《The Sixth Sense》截圖)
disney+
(圖片來源:《The Sixth Sense》截圖)
disney+
(圖片來源:《The Sixth Sense》截圖)

表弟不斷向嗰個角落揮手 最後點解決?

女網民一聽到就嚇襯,不過回想起姨媽有講過呢位乖乖表弟經常語出驚人,仲似乎可以睇到「呢啲嘢」,而且認為四歲嘅小朋友更冇必要無啦啦講呢啲奇怪嘢!女網民形容於是佢望一望天花板,覺得如果真係有個男人喺天花板度應該真係好恐怖,呢個時候仲見到表弟不斷向嗰個角落揮手,成件事超得人驚!女網民就諗計睇吓解唔解決到個「問題」,就同表弟講「但係姐姐成日都要沖涼,哥哥喺度睇唔係咁好喎,我真係好希望表弟可以幫我請走佢」,不過事情就緊係無咁簡單,表弟咩都無講就扯咗女網民返房繼續睇Disney+。女網民就問「咁究竟點?個人仲喺唔喺度?」感到非常不安與無助,唔知最後點解決呢?!

disney+
(圖片來源:《let me in》)

關鍵詞
disney
圖片來源:《The Sixth Sense》截圖、《let me in》