連登仔住荃灣酒店遇靈異事件 網民教路下一步點部署！
廣告
世界之大，無奇不有。相信唔少人都會覺得呢個世界有「神神怪怪」的東西，當然亦有人只會相信科學。不過唔少人都曾經試過「奶嘢」，並於網上分享自己的經歷。
連登仔住荃灣酒店遇靈異事件 網民教路下一步點部署！
近日，出名的連登仔都同樣奶嘢。他於討論區上以：「部電視自己開咗！！！！！荃灣酒店」為題，吸引唔少網民注目及討論。該名連登仔於內文中簡潔地提了一句：「依家喺被入面」，睇嚟十分驚個電視會有下一步進展。
拔除電制最穩陣？
有網民就建議事主可以試試將電視的電源拔除，不過立即引來其他網民的反駁，直指：「痴X線千祈唔好！如果抆咗插蘇都著嘅話，你會黐線」。但都有人認該行為已經超出物理範圍，唔使驚應該去拔除電制！
大鬧粗口最實際
不過都有網民認為撞鬼最緊要唔好驚，應該直接問候對方家母，或者是大爆一句：「老子什麼鬼也不怕！」，或者可以試吓輕鬆定問隻鬼係睇TVB定ViuTV。有網民都分享自己經歷，指電視突然開著然後開始播國粹「變臉」，網民之後對空氣說：「睇完好走啦」，十分有勇氣！
其實有科學解釋！
有網民嘗試以科學角度解釋，認為只是電視的「計時功能」被開啟，所以電視先至會在特定時間自己開啟，又指自己曾在歐洲旅行時曾遭外人用計時功能惡作劇，所以有經驗。不過都有解釋指出可能是電視遙控的「開機制」上有電力尚存，所以引致電視會自動開啟。
荃灣某酒店係「出名鬼屋」
不過其實荃灣區的某間酒店其實都是「出名鬼屋」，有人曾分享在staycation時「門口自動感應燈，突然又熄又開」，另有人分析原來酒店外型活像一把刀，外型陰氣煞氣重，也有人解釋戲稱，其實是舊老闆小甜甜巡視業務。有網民提議入住前可以先裝香，或者隨身攜帶聖經，的確令人毛骨悚然！
圖片來源：劇照
