網民大呻疫情WFH仲慘過返工 「冇郁過坐到腰都痛」

網民大呻疫情WFH仲慘過返工 「冇郁過坐到腰都痛」

網民指公司在實行WFH之後，就覺得每日WFH一起身就十分大壓力，一起身就開電腦工作，食完飯之後又要再對住電腦工作。以前返office都叫可以搭車時間放鬆一下，但現時WFH就連搭車的放鬆時間都冇埋，倍感壓力。

有部分網民都認同該說法，認為「仲辛苦過返office」，有網民就指初初WFH的確係幾舒服，但一耐咗就覺得整個屋企都變成工作環境其實也幾大壓力，而且以往都可以稍稍離開工作崗位少少蛇王一下，但係現時只要不小心miss call的話，就會被老細認為蛇王。

有網民都指WFH之後經常都只係對住電腦，很少會有走動，令到自己腰骨都坐到痛，而有網民就回應指因為「土地問題」的關係，其WFH的工作環境一定比起公司要來得差，令到工作起上來都比較辛苦。

不過都有網民認為WFH的好處是時間變得更加自由，就算是用電腦打機或者睇片都好，都不怕俾老細周到，甚至上床瞓返一陣覺都仲得！有網民笑稱自己WFH期間「幾日打爆一隻game」，買game都買到窮。

而最大壓力位就係最怕老細或者客戶突然之間打電話嚟但又準備唔切，令到打工仔在WFH期間都要無時無時無刻保持驚剔而不能鬆懈，就連去廁所都好驚突然之間被老細突襲。