MK情侶街頭混戰一言不合就攬攬 網民：點解條仔枝煙食極都有？
廣告
作為一對情侶，平時吵吵鬧鬧都實屬好正常。不過有時可能因為「跳制」的原因，所以會在街頭爆發混戰，最經典的便是「港女14巴」。而近日在街頭又有一場新混戰被拍攝到，而個結局就十分出彩，令人估都估唔到！
MK情侶街頭混戰一言不合就攬攬 網民：點解條仔枝煙食極都有？
片段中可見一名身形壯碩的男子與一名黑色短裙女事主，兩位便是片段的主人翁。一開始就見到呢名MK仔用蠻力一下子將女子推倒在地，隔離仲要有架校巴，險象環生！而短裙女立即起身還擊，一下捉住男仔的衛衣，再送上一招「日字衝拳」。
疑似出軌有第3者
然後兩人繼續在街頭對罵，由幾位「順德旁白君」以及兩位主人翁口中得知，睇嚟其中一方出軌並擁有第三者，先導致今次街頭混戰發生。兩人在馬路持續對罵，而男方突然都拎出一枝煙一路食一路同短裙女「講數」。其間短裙女都不斷大聲呼喝並得閒就郁手打幾嘢男事主。
一言不合就攬住
不過最令人震驚時，MK仔突然大氣度地攬實短裙女，諗住可以平息小風波。不料該名女事主掙扎開之後繼續指罵男事主，並準備上車離開。不過該名男事主就拉住佢唔俾佢上車，然後再擁入懷Twice！而片段就在兩人的擁抱中結束，而MK仔手中的香煙仍未熄滅。
網民睇完片段後都議論紛紛，唔少網民的重點都放了於花生友旁白君上，直言。花生友啲鄉下音好正，笑死我」、「成家旁白增加唔少趣味」。不過都有網民認為短裙女事主應該立即斬纜，認為她仲俾對方攬的行為實屬唔啱，網民以歌詞笑稱「和情人緊緊擁抱 來代替講話 好嗎」，亦有人笑稱男事主枝煙好長命「條仔枝煙食極都有」
圖片來源：FB@香港江湖日報截圖
