MK仔為啖氣鹿頸上演《頭文字D》 惜敗：我起碼輸得精彩！（有片）
廣告
經典動漫《頭文字D》被改編成港澳電影版後都相當深入民心，全盛時間的陳冠希再加上永遠唔夠FC鬥的余文樂，以及點睛位杜汶澤及慒懂周杰倫，成就了該經典之作。而估唔到在地少人多的香港，都能夠見到有真實版的《頭文字D》睇！
MK仔為啖氣鹿頸上演《頭文字D》 惜敗：我起碼輸得精彩！
男人一向都十分要面，近日就有兩名MK仔疑似係為啖氣，各自揸了自己的愛車CL7以及CL9，仲有一架疑似係Golf R/GTI的車輪，在鹿頸上演一場只有一位勝家的真實版《頭文字D》。而眾人的賭注則是各自的「牌簿」，擁有一部車的牌簿之後，便能夠對該車輛進行任何動作，包括是改裝，又或者是出售等等。
有埋賽評即場口述
除了是三位MK仔鬥得你死我活之外，路邊更係抄足電影入面，疑似有封路之餘仲搵咗幾位人兄手拎對講機，還原返電影中的「有架86上緊山啊！」嘅場景。事後除了用對講機報導賽程之外，更與時並進地有埋WhatsApp直播，由文字以及影片都可見，最後都是由CL7勝出，並即場交易牌簿，而且賽評人仲加了句「目擊了 好感動」。
網民恥笑車速勁慢
影片在網上亦引起一陣熱議，有網民就由影片中推測其車輛速度都相當慢，笑言：「咁嘅速度似遊車河喎Ching」，「小巴佬都嫌你慢啦」，不過都有人質疑MK仔為啖氣似乎太過衝動，直指竟然夠膽將牌簿拎出去賭，欣賞其勇氣。
圖片來源：影片截圖，IG截圖
