KOL擺電子支付code上IG 即獲粉絲找卡數 網民：香港做靚女真好
廣告
近年自從出現咗電子支付平台呢啲咁方便的付款方式後，就出現唔少KOL或者youtuber等，將自己的支付code擺到社交平台上，特別係新年時節，就好似「派利是」咁，粉絲可隨心贊助。近日有一位網民就發起一個討論為「香港地做靚女真好」，其內容就係一位女KOL公然喺網上擺支付code呼籲大家「資助」，最終不勞而獲接近3千港幣，惹來熱議。
KOL呻窮求資助 粉絲即科水520
事源有一位身材出眾的女KOL指自己最近好窮，未有工作無晒錢，仲要爭緊卡數，出現入不敷支的情況，就喺ig po咗自己的電子支付平台code上去，結果即收到大批唔識的網民贊助哄佢開心，要請佢食飯，甚至有一位網民直接過咗520俾該kol示愛，足足差唔多成＄3000！
網民：又一款電子乞衣
唔少網民對此行為都表示「香港地做靚女真好，咩都唔洗做就有錢收」「到班毒L失業果陣，會唔會後悔比過$$ 條女？」「我都想做女人」「就係比依班狗公做爛市」「痴線，甘都得，人靚真好」「點解我諗唔到有啲咁方便既乞食方法」「網上乞衣」「好搵過去泰國」「香港人好有善心」「捐多d 啦，供到佢買樓 到時一定溝到架啦，比心機」「唔靚都收咁 真靚收幾多」「光明正大做乞衣都幾x爽」
關鍵詞
PayMe
圖片來源：IG@shybbmeow、ig＠neoyau19、fb＠香港單身痂關注組
