係蠢係純定機心？港女發文詢問男人嘅GTB鑑證能力
廣告
GTB（Green Tea Bitch）一詞為新式網絡用語，中文翻譯為「綠茶婊」，主要形容某類外表清純無害，如綠茶般清新脫俗，實質內心充滿機心同野心，不安於室，喜好收兵，視男性愛慕為戰利品，缺乏道德觀念嘅女性。由於呢類女性通常表裡不一，所以通常女人會更為容易發現「綠茶婊」，正所謂：只有女人最了解女人。最近就有一位港女係討論區上發文表示係就讀大學發現一個女仔行徑十分「綠茶婊」，並詢問男士們對「綠茶婊」嘅鑑證能力。
靠傻大姊Feel收兵，專揀有女嘅男仔埋身
女事主形容該名「綠茶婊」外表瘦小，經常傻笑，笨手笨腳，行路會仆街，會迎柱而撞，笑笑下會轆地沙，行為十分怪異。儘管如此，但「綠茶婊」嘅異性緣極佳，除左多男仔朋友外，兵仔都收伏不少。女事主稱「綠茶婊」每次出街嘅異性對象都唔會重複，而且中意向有對象嘅男仔埋身。
男仔眼中好Cute蠢，「綠茶婊」中意幫情侶排憂解難
女事主於發文中亦提及係男仔眼中「綠茶婊」蠢蠢地好可愛，但女事主覺得身為大學生，「綠茶婊」蠢極有限，而且據女事主所知「綠茶婊」嘅感情經驗豐富，並非表面般單純沒有經歷。另外女事主亦指「綠茶婊」中意充當和事佬，假意幫情侶間解決矛盾，其實有癖好喜歡接近人地男朋友．行為十分討厭。最後，女事主認為「綠茶婊」婊徵十分明顯，詢問男士們意見睇唔睇得出「綠茶婊」嘅真面目。
而該話題引起不少女網民留言共鳴，認為該名女仔行為可疑，但亦有男網民表示可能只係男女之間嘅純友誼呢。
圖片來源：Dcard 討論區, 台劇《我們不能是朋友》, 《我的ID是江南美人》, 電影《撒嬌女人最好命》
