【FaceApp】網民：驚到褲都著唔切！日本50歲大叔沉迷變身年輕靚女OL
廣告
【FaceApp】隨住唔同嘅修圖app，又或者美顏相機app嘅盛行，要P出完美女神呃like相絕對係無難度，而且仲已經達到化不可能為可能嘅神級，由大叔變靚女都可以做到！日本最近就有網民發現一張靚女自拍相，喺丁嘅過程越睇越唔對路，可以話係迎來第一次衝擊！
撰文：馬高斯 ｜圖片來源：Twitter@在宅のアーマー｜編輯：海月
話說事源有位Twitter用戶「在宅のアーマー」分享一張靚女OL自拍相，相中可見呢位年輕OL喺升降機度自拍，一頭啡色捲髮、一雙圓圓閃閃嘅大眼，仲有破壞力極強嘅甜美笑容。
相信唔少網民都心諗褲準備要除，不過有眼利嘅網民發現，點解靚女背後塊鏡，係倒映住一個中年上班族男人呢？呢個男人仲要同樣舉起手機自拍，再睇真啲發現張相右下角，有修圖app「FaceApp」嘅水印，今次真係秒速著返褲先！
原來上傳呢張相嘅「在宅のアーマー」，睇返佢嘅個人簡介，係寫住自己係一個50歲大叔，因為沉迷「FaceApp」而網上建立靚女虛擬身份，踏上咗每日分享可愛自拍相嘅路。目前呢張年輕靚女OL自拍相，已經獲得2.5萬次轉發同11.5萬讚好，「在宅のアーマー」嘅Twitter帳戶坐擁過7千粉絲，IG就1,3萬！
