網民狠批COLLAR成員唔係從男人角度選出 直言：「完全係婦團同基佬選出嚟」

網民狠批COLLAR成員唔係從男人角度選出 直言：「完全係婦團同基佬選出嚟」

網民直接將COLLAR對比《YOLO的練習曲》節目中的成員，直言：「正常有性能力男人都會選擇下面張相」，然後又批COLLAR是由婦團和同性戀者選出來的女團，而非由男人角度出發。

網民之後就作出解釋，指目前COLLAR 8位成員「要樣冇樣，要腳冇腳」，「仲要行型格路線，向女人埋手，真係你睇埋我個份。」，之後就指其實男人睇女團都是希望有「初戀的感覺」，希望見返青春學生妹的感覺。

網民更指不希望係睇見「剛強女團」，又指點解男人要睇走型格路線的女團，「係咪嫌港女未夠癲」咁話。之後網民開始攻擊芯駖，指冇男人會想追一個36歲的「女團成員」，又指有《造星4》時都有不少青春少艾，但都被篩走，直言：「搞女團，反而千揀萬揀揀個爛燈盞。」

網民再從長遠發展去分析，指出雖然技術方面都可以培養，但是樣子是無法後天補足的，又希望ViuTV能夠諗清楚「八個入面你諗清楚有幾多個係普通男人喜歡嘅女人？」。不過其他網民都不太認同該名網民的見解。

有網民就反駁指其實ViuTV都是由商業角度出發，指其實追星一開始就是女性活動，所以選人方面當然不由男人角度出發。而有網民都指女人在追星時願意使錢的能力比男人更高，又指男人只會想課金在電話Game上。

又有網民指芯駖入團是一個十分好的計謀，現時COLLAR 8人可以食正女性廣告條水，而芯駖因為年紀較大的關係，更有機會觸及到老一輩的觀眾，令整個COLLAR團體的觸及率都幾廣。