168「宅男」有咩魅力、成功虜得新垣結衣BB心?原來星野源「情史」多籮籮!

網絡熱話

廣告

「國民級女神」新垣結衣,係唔少人心目中嘅國民老婆,不過最近結衣BB宣布婚訊,新郎竟然係大佢8年嘅星野源。婚訊一出可謂粉碎唔少男粉絲嘅心,日本更出現有公司推行「失落休假制度」,頂唔住星野源要結婚,有女粉絲要請假一日。形象被定型為身高只得168cm「宅男」嘅星野源,其實佢本身才華洋溢,連歷代女友都係女神級數,今次就等小編帶大家一齊認識吓佢!

撰文:馬高斯 |圖片來源:Amazon.co.jp、TBS公式 YouTuboo、東洋經濟、星野源YouTube頻道、joseiana.com、hominis、星野源Twitter|編輯:海月

星野源「情史」多籮籮!

女神新垣結衣與星野源嘅婚訊一出,消息轟動全球,一如既往更「影響」到日本股市大跌,兩人嘅緣份係由5年前共演嘅人氣日劇《逃跑雖可恥但有用》,劇中飾演一對甜蜜夫婦,當時已經傳出過戲假情真,點知上年嘅《逃恥》特別篇拍攝果陣,就擦出咗愛火!

168宅男成功捉住結衣BB心 一齊回帶睇吓星野源魅力與豐富情史
兩人嘅緣份係由5年前共演嘅人氣日劇《逃跑雖可恥但有用》,劇中飾演一對甜蜜夫婦

呢位現年40歲嘅星野源,單睇外型絕對唔係男神級,身高亦只得168cm。喺《逃恥》入面仲扮演一位四眼草食男宅宅,不過現實中星野源其實絕不簡單!佢除咗係演員之外,亦係一位知名嘅創作歌手,唔少人氣日劇,例如《過度保護的加穗子》、《逃恥》,仲有今季嘅《打扮的戀愛是有理由的》,主題曲都係出自星野源。另外,仲喺日本武道館、東京巨蛋等地方舉行過演唱會,音樂才華出眾!

168宅男成功捉住結衣BB心 一齊回帶睇吓星野源魅力與豐富情史
現年40歲嘅星野源除咗係演員之外,亦係一位知名嘅創作歌手

才華出眾自然迷倒唔少女士,星野源嘅異性緣好到一個點,就等我細數一下佢嘅豐富情史!星野源10年前仲未走紅,已經與同為創作歌手嘅樂壇天后aiko發展出姊弟戀,後來2013年星野源與共拍電影《深宅家中兒子的戀愛》女主角夏帆傳出緋聞,仲喺記者會上講出「我今日要同夏帆結婚,佢係我老婆!」,令到唔少人猜測同aiko嘅戀情已經告終。

aiko 1998年推出《あした》CD封面
星野源10年前仲未走紅,已經與同為創作歌手嘅樂壇天后aiko發展出姊弟戀,aiko 1998年推出《あした》CD封面
電影《深宅家中兒子的戀愛》
後來2013年星野源與共拍電影《深宅家中兒子的戀愛》女主角夏帆傳出緋聞,電影《深宅家中兒子的戀愛》

然後同年再與電影《Why Don’t You Play in Hell?》,共演嘅二階堂富美傳出緋聞,不過兩人都異口同聲澄清關係,話只係好好嘅朋友。後來傳出過戀情嘅對象都好高質,例如知名女星石橋杏奈,同埋人氣女主播有働由美子,外界仲為星野源封上「偽宅男」嘅稱號,認真係「偽毒可恥」(誤)。

電影《Why Don't You Play in Hell?》
同年再與電影《Why Don’t You Play in Hell?》,共演嘅二階堂富美傳出緋聞電影《Why Don’t You Play in Hell?》
知名女星石橋杏奈
知名女星石橋杏奈
人氣女主播有働由美子
人氣女主播有働由美子

點知果頭「偽毒可恥」,呢頭2016年就伙拍結衣BB拍攝《逃恥》,成為劇情甜到核爆嘅螢幕情侶。當時嘅訪談中,星野源被問到「有無對結衣BB動心?」,佢仲答「鍾意!從一開始就鍾意。」,原來伏線早就埋藏咗!

168宅男成功捉住結衣BB心 一齊回帶睇吓星野源魅力與豐富情史
當時嘅訪談中,星野源被問到「有無對結衣BB動心?」,佢仲答「鍾意!從一開始就鍾意。」

有粉絲再睇返星野源於2017年出版嘅書《從生命的車窗眺望》入面,其中一篇文章係「新垣結衣這個人」,文中形容結衣BB係一位「很棒的普通女孩」,又大讚結衣BB人氣咁高,都毫無架子,喺演藝界可謂難能可貴。唔聲唔聲,原來喺書中文字間已經暗藏愛意!

168宅男成功捉住結衣BB心 一齊回帶睇吓星野源魅力與豐富情史
星野源於2017年出版嘅書《從生命的車窗眺望》入面,其中一篇文章係「新垣結衣這個人」,文中形容結衣BB係一位「很棒的普通女孩」

除咗訪談同出書之外,仲被粉絲考古發掘返10年前於Twitter嘅post,當時星野源講過心目中嘅理想對象係新垣結衣,睇嚟呢位才子喺10年前已經迷戀緊結衣BB!

168宅男成功捉住結衣BB心 一齊回帶睇吓星野源魅力與豐富情史
粉絲考古發掘返10年前於Twitter嘅post,當時星野源講過心目中嘅理想對象係新垣結衣

既然兩人宣布咗結婚,將劇中內容轉變成現實,168宅男成功捉住國民女神嘅心,化不可能為可能,都係一件滿滿正能量嘅事,小編都衷心恭喜佢哋!(無咩事我去告假一日先)

 

新垣結衣婚後大暴走?

婚後新垣結衣開始慢慢搣甩清純形象,樣貌開始走樣之外,唔少Fans發現新垣結衣的髮線向後移…詳情請看

新垣結衣轉行熟女風?

近日新垣結衣上時尚雜誌,初嘗性感Deep V吊帶裙,挑戰大尺度…詳情請看