（多圖）香港街頭驚現「神秘街招」積先生厚酬尋初心

（多圖）香港街頭驚現「神秘街招」積先生厚酬尋初心

不過街招同不時都會出現一些較為騎呢的廣告並掀起網民的熱議。近日就有一張「神秘街招」現身街頭，街招似乎是由一位化名「積先生」的人士張貼，勤力的他更係貼到全港九新界都有呢張街招的身影。街招上以「急尋初心」為題，寫了以下內容：

本人積先生，最近唔見咗一樣好重要嘅嘢。
人大咗，呢樣嘢己經愈來愈遠，就好似一條
魚離開咗水池，一支花無咗陽光，一個人無
咙自己咁。呢樣嘢好似叫初心，我要揾返初
心呀！
如尋回本人既初心，煩請立即聯絡
96793139，厚酬，萬分感謝。
積先生上

網民誤以為搵「初夜」

該街招引起網民熱議，有網民直言「到底搵初心定初夜」，又有觀塘網民話「叫佢去觀塘康寧道嗰度畀錢搵初心啦」，亦有網民認為佢可能打錯字，其實係想搵「初音」。網民估計會唔會係同「收數」有關，又有網民用返《喜劇之王》中的「初戀啊！我要初戀啊！」去重現該街招。仲有網民笑言係「積奇陳」（Jackie Chan ）成龍張貼的。

「積先生」未現身？

雖然該街招在街頭頻繁地出現，而且亦附上相關電話。小編就透過該電話去嘗試WhatsApp該名「積先生」，不過暫時就未有回覆，有進一步更新記住留意新Modnay啦！