香港爆喪屍觀塘邊度最安全？網民：邊度都好安全塞車根本入唔到去

Sep 8 2022

經常會有人問，如果喺香港爆發喪屍，究竟喺香港邊度最安全？早前就有網民問如果爆發喪屍嘅時候位於觀塘，到底應該去邊度避難。大量網民都一致認同觀塘其中一個商場係最安全，亦有網民就話「邊度都好安全，因為塞車根本入唔到去」。如果你喺觀塘遇到喪屍，你又會點做呢？

香港如果爆發喪屍困喺觀塘去邊度最安全？

連登網民以「如果香港爆發喪屍危機，觀塘邊度最安全？」發帖，問一眾巴打絲打，假設末日來到，四處爆發喪屍潮，自己位於觀塘可以去邊度避難？樓主就率先提出係觀塘碼頭廣場，仲大讚有4個優點，包括「鄰近碼頭，有咩事可以以海路移動，同啟德郵輪碼頭成犄角之勢」、「出入口唔多，封鎖哂地面出入口之後就得返二樓天橋，防守起上嚟易好多」、「雖然係工業區，但係人流係最少嘅區域」、「有停車場，多好多物資可以維修使用」。