【連登】連登仔一人一票YouTube女神選舉 10大女神逐個睇

網絡熱話

廣告

【連登】已經唔再電視送飯嘅而家,大家離唔開係上YouTube睇片娛樂,慢慢開始KOL、網紅成為大家嘅焦點。最近連登就發起「YouTube女神選舉」,就等我哋一齊睇吓有邊位網紅女神入選!

撰文:馬高斯 |圖片來源:各位女神的Instagram|編輯:海月

【連登】連登仔一人一票YouTube女神選舉 10大女神逐個睇

今次連登論壇上由網民發起「YouTube女神選舉」,係以二選一投票形式進行,連登仔一人一票選出 YouTube 界女神!目前女神對決已經去到第五彈,共有10位女神,位位都係知名度高嘅靚女!

 

1.阿冰 @sabrinapingping_ (Instagram:20.7萬追蹤者、Youtube:5.1萬訂閱)

阿冰係網台「小薯茄」成員之一,曾經喺2019年參演過ViuTV電視劇《理想國》,做其中一個單元嘅女主角,仲為Dear Jane嘅《銀河修理員》擔任MV嘅女主角!亦因為長相清秀,又氣質清新,被台灣網友稱為「氣質可愛港女」!

【連登】連登仔一人一票YouTube女神選舉 10大女神逐個睇

2.Jessica @krisssica(Instagram:8.7萬追蹤者)

作為IG網店model嘅Jessica,樣貌甜美可愛,睇佢嘅IG相亦唔少文青風靚相,相當唯美有氣質!出演YouTube Channel「試當真」短片《教父》開始走紅。

【連登】連登仔一人一票YouTube女神選舉 10大女神逐個睇

3.米露迪 @melomelojai(Instagram:9萬追蹤者、Youtube:9000訂閱)

米露迪係「啱Channel」成員之一,曾經出演過舞台劇、網劇同微電影,外表斯文,又帶點性感打扮,仲要擁有一雙白滑美腿,好難唔成為男士們嘅女神!

【連登】連登仔一人一票YouTube女神選舉 10大女神逐個睇

4.Jeannie @kayan9896(Instagram:5.4萬追蹤者)

Jeannie亦都因為出演YouTube Channel「試當真」短片而爆紅,加上外形同韓國組合「Twice」成員周子瑜極度相似而掀起熱話,就算而家都不時畀「試當真」成員回帶提起!

【連登】連登仔一人一票YouTube女神選舉 10大女神逐個睇

5.童童 @tungtungdess(Instagram:16.1萬追蹤者、Youtube:5萬訂閱)

童童蔡曉童係網台「小薯茄」成員之一,唔好見佢細細粒又童顏,其實佢經常隻身去唔同地方旅遊,喺佢 Youtube channel ,亦有「童遊記系列」記錄得佢嘅旅遊點滴!

【連登】連登仔一人一票YouTube女神選舉 10大女神逐個睇

6.Ah Gi @ahgigiha(Instagram:7.1萬追蹤者、Youtube:1.43萬訂閱)

樊沛珈(Ah Gi) 曾經係《蘋果日報》動主播,以及其他平台嘅主持,而家主要活躍於網台「啱Channel」,私底下佢係一位紋身師!

【連登】連登仔一人一票YouTube女神選舉 10大女神逐個睇

 

7.Creamy @creamyyick(Instagram:10.1萬追蹤者、Youtube:9.62萬訂閱)

韓風打扮嘅Creamy(易健兒),曾經同女演員劉展翹組成YouTuber女子組合「易劉」,亦參演過唔少電視劇同電影,而家就主要同YouTuber男友Arho Sunny 一齊拍片!

【連登】連登仔一人一票YouTube女神選舉 10大女神逐個睇

8.盤菜瑩子@myth.keiko(Instagram:8.2萬追蹤者、Youtube:1.17萬訂閱)

盤菜瑩子係毛記電視嘅「偽員」之一,佢呢個藝名係惡搞前無綫新聞主播盤翠瑩,所以易記又印象深刻!平時熱愛日本又打扮日系嘅盤菜,亦係樂隊「秋蟬(Autumn Cicada)」嘅主音!

【連登】連登仔一人一票YouTube女神選舉 10大女神逐個睇

9.kaying @kaaying219(Instagram:6.7萬追蹤者)

因為一條「先達收機」片而爆紅嘅九龍皇帝 kaying,被網民封為新版MK女神!kaying可以話係天使嘅面孔,魔鬼嘅身材,真係不得了!

【連登】連登仔一人一票YouTube女神選舉 10大女神逐個睇

10.肥蛙 @53yfp(Instagram:22.2萬追蹤者、Youtube:29.3萬訂閱)

肥蛙憑住甜美外表,加上細細粒可愛,同場走日系打扮俘虜咗唔少粉絲嘅心!佢平時亦會做手作嘢,佢創作嘅卡通人物「肥蛙」同樣可愛,粉絲們每年年宵都會搶購肥蛙週邊商品!

【連登】連登仔一人一票YouTube女神選舉 10大女神逐個睇