連登仔呻Gym Room充斥中學雞、MK仔 仲有情侶打情罵俏！
廣告
近年忽然掀起一陣運動風，唔少港男港女都會選擇去參與不同運動，有人選擇行山、有人選擇打拳，而做Gym亦成為了最多人選擇的運動之一。亦因如此，連鎖式Gym Room開到周圍都係，當中247 FITNESS仲開到好似7仔一樣，總有一間在你左近。
連登仔呻Gym Room充斥中學雞、MK仔 仲有情侶打情罵俏！
近日一名連登仔開post以「247真係mk中學雞集中地，港版Planet Fitness」為題，提及自己去到Gym Room時的所見所聞。他指自己曾聽說過該Gym Room有不少負面新聞，而去到之後直言「一去咗就知以前嘅諗法冇錯，而且過之而無不及」。
充斥騎呢人士
他提及一去到就見到有一班中學籃球隊圍住部鍛鍊腳部機器大半小時，而在後方又有一對情侶在打情罵俏。事主再指在Gym房中又見到一位穿著瑜伽裝束的港女，事主形容對方「瘋狂自拍揾獵物放上IG」。然後又指Gym Room的機器不符合人體工學，難以使用，以及啞鈴只有50kg，直言「玩返幾年可能都唔夠玩重」。
網民感同身受
事主直言再加上之前的種種負面新聞，直言247 FITNESS很快就會變成Planet Fitness，變得充斥住各式各樣不同類別做Gym之人。該post一出都引起了網民的熱議，有人就認同事主的講法，認為Gym Room開始大眾化後，的確充斥住各式各樣不同之人。
中學生為媾女？
有網民都分享個人經歷，指自己見唔少中學雞前往Gym Room目的都並非想「練大隻」或者「鍛鍊身體」，而是為了能夠Show Off自己的肌肉同埋媾女，基本上唔少人都霸住部機唔郁就算數，網民都直言：「好心直接去開房咪算囉」，亦有網民指唔少中學生有打籃球，會在Gym Room無端端「扮射籃」，相當奇怪。
圖片來源：IG，劇照
