連登仔大呻迪士尼樂園為「男人地獄」 5大原因譜寫男性悲歌

網絡熱話

廣告

香港人要拍拖的確沒有太多選擇,除了行街睇戲食飯之外,所剩低的活動少之又少。而迪士尼樂園亦成為了情侶選擇的「拍拖聖地」之一,不過近日就有連登仔痛批,指迪士尼樂園絕對是「男人地獄」,仲列出5大原因!

連登仔大呻迪士尼樂園為「男人地獄」 5大原因譜寫男性悲歌

1.門票太貴

目前迪士尼樂園主要分為2種門票,分別是單日/2日門票以及全年門票,前者售價為$639 / $904,而全年門票則為:銀卡 $1,348、金卡 $2,338 以及白金卡 $4,278 。港男指出門票單張已經貴,但因為通常都要幫女朋友俾埋,所以成本是一倍。如果女朋友樂而忘返想買全年通行證門票,其價錢就係貴爆。

迪士尼樂園
(圖片來源:迪士尼樂園)

2.園區美食定價過高

另一方面便是港男認為園區內的食物定價過高,他舉例園區內的雞髀,轟:「$100蚊一隻X街雞髀都夠膽死」,又指如果女朋友要求買埋園區內的迪士尼公仔的話,其洗費又會更加高昂。

迪士尼樂園
(圖片來源:微博@倪妮)

3.無限排隊迴廊

去過迪士尼樂園的港人應該都有可能體驗過排隊的盛況,由於每個遊樂設施都有大量人排隊,很可能排半小時以上先有得玩,最後體驗時間也只有幾分鐘,而熱門的設施更有可能一次排一小時以上。冬天都叫好一些,但如果夏天要排住等的話,的確會熱到爆炸。整日計算下來,可以排隊時間仲長過遊玩時間。

迪士尼樂園
(圖片來源:小紅書截圖)
迪士尼樂園
(圖片來源:《舉重妖精金福洙》劇照)

4.影相地獄

入得迪士尼樂園,女朋友一定想瘋狂打卡跟住Po IG曬命啦。不過呢個時候男朋友就會淪為「工具人」,瘋狂幫女朋友影相,又要影到瘦又要影到有長腿,而合照時更要扮開心,港男直言:「完全唔知有咩好影,但又要扮enjoy」。

迪士尼樂園
(圖片來源:IG@rositakpyy)

5.天殘腳之鍊成

而港男又提及因為園區之大,每個遊樂設施之間都有一定距離,除了等的時候要企到攰之外,又要瘋狂行路,直言「玩X到睇埋煙花至走得,咁X長時間行黎行去」。又指希望迪士尼能在園區內增加多些座位,等大家攰時都有位坐,更話「仲攰X過返工」。

迪士尼樂園
(圖片來源:FB@吳海昕)

男人入園區一大好處

不過亦有網民認為不能夠以偏概全,直言「你條女麻煩啫」。不過都有網民道出男性入迪士尼樂園的「宇宙真理」,便是可以望女仔,又指有唔少入園區的港女都著得十分之養眼,指出該好處可以蓋過所有慘事。

迪士尼樂園
(圖片來源:小紅書@Cammi)
迪士尼樂園
(圖片來源:IG@yuchinjou)

圖片來源:小紅書,IG,劇照