車Cam丨旺角躁狂男發癲撻朵「新X安」 網民：人類總是犯同一個錯誤

車Cam丨旺角躁狂男發癲撻朵「新X安」 網民：人類總犯同一個錯誤

YouTube頻道「車CAM特警」早日上傳一條車Cam影片，片段全長34秒，拍攝時間顯示為今日（27日）凌晨時分，地點為旺角彌敦道。事發經過相信是片主響咹提醒前方一架收慢的紅的，不過卻因此疑似令另一架的士上的情侶誤會，繼而觸怒該名男乘客。

瘋狂輸出 鬧爆片主

該名身穿黑衣的男乘客誤認為被「呠」後，旋即離開車廂轉身以粗口「問候」響咹的片主。該名男性更沒有戴口罩，向片主怒斥：「X你老母，做乜X嘢？X你老母。」之後更除低Cap帽，解放怒氣。身邊女子多次制止該名男子，並想拉佢上返的士。

嬲爆撻朵：我新義安㗎！

男子未受控制，走向片主問道：「呠乜X嘢啊？」，更嬲到發癲撻朵：「我新義安㗎X你老母！」，最終男子被同行女性制止拉返的士。該片主就稱：「全世界都知你邊瓣，我砵前面架的士啫，嘈到你要響朵唔好意思呀😅」

網民笑：人類總犯同一個錯誤

影片出街後旋即引起討論，有網民嘲笑：「人類總是要犯同樣的錯誤」、「嘩，點解而家有字頭果啲個個都咁樣衰兼白痴㗎？」、「為咗咁小事響朵，佢真係唔怕丟晒佢大佬啲架喎」。早在今年1月6日先有一名男子因「撻朵」同「言語恐嚇司機而被捕，睇嚟今次呢位人兄都中晒伏..

睇片！