藍田昔日後生仔蒲點淪落成「老人邨」 街坊大呻苦況！
廣告
今時今日的香港都正在面對人口老化之問題，舊時的藍田是唔少後生仔女選擇的「蒲點」，不過近年區內不少商店和設施都大變更，有藍田街坊更指現時藍田基乎零娛樂，連以前最多人行的匯景，現在都變了死城。仲大啷藍田已成老人邨。
昔日後生仔蒲點藍田淪落成「老人邨」 街坊大呻苦況！
最近有網民在連登討論區發文，覺得現在住藍田基乎零娛樂設施，老人家又多，仿如老人區。「以前有戲院有波樓，啲公屋一座連一座依山而建，依座嘅六樓行過一條冷行就去咗另一座地下，仲要一推門入去就係冰室。行條長命樓梯上出，又可以去到三寶茶樓，依家乜都冇晒」。
以前位於啟田廣場的AEON可說是地標之一，開業多年，不過都於今年5月結業，不少街坊都好不捨。
匯景曾經風光！街坊心淡：依家學生妹都唔行啦！
有藍田街坊表示以前藍田區內最旺是港鐵站內的匯景商場，「匯景以前好多人行，匯景依家都無嘢睇，學生妹都唔行啦」、「成個藍田勁XX，先唔講啟田無咗全商場最多嘢買、人流最多嘅吉之島，興田商場仲要收晒做老人院，唔好話玩，連買日用品都搞唔掂，老人家都算，後生嗰啲更加想搬走」。
街坊直言藍田好多老人家
有街坊直言藍田好多老人家，「朝早落街返工，10個有8個老人家，仲有就係師奶細路仔，中間明顯有個斷層」、「後生嘅搬得就搬，我都好想搬(依家未夠錢)」、「藍田水庫都封咗幾年，波都冇得踢」，好多人表示行街或食飯都會直接落觀塘，「觀塘有APM，九龍灣有MegaBox吸引力大過藍田好多啦」、「藍田嘢食唔好講，無嘢好食」。
有街坊撐藍田好住：有壽司郎
不過亦有街坊撐藍田好住，附近更有壽司郎，「有壽司郎就夠」、「人流最旺變咗壽司郎」、「有247有返啲生氣， 起碼叫做有仔，生色不少」、「藍田唔洗多娛樂，拎嚟住就夠，要娛樂，搭車出街就得」、「藍田友想出去玩都唔會留係藍田啦，住好舒服喎」、「我唯一諗到住藍田嘅好處係返工方便，有地鐵，多巴士站」。
原文刊於新假期
圖片來源：連登截圖、Google街景、《愛回家之開心速遞》劇照
