港男嫌舊式公屋設計低級 掀網民罵戰:有得住仲想點?
廣告
香港地要買樓十分難,沒有「父幹」的話,要儲首期對後生仔來說都十分之難。但係要排到公屋又唔係一件易事,有人認為:「排到公屋開心過中六合彩!」,但又有人彈香港舊式公屋的設計差!
巴打狠批!舊式公屋設計低級
有網民喺香港討論區以「唔明舊式公屋設計點解可以咁cheap咁核突」為題發文,總結不能接受嘅公屋缺點。
1. 窗口無窗花、窗框
樓主表示:「除咗為咗慳錢外,我唔明啲窗口點解無窗花又無窗框,得幾條鐵柱欄住,就好似生活喺鐵窗邊緣咁。」
2. 多蛇蟲鼠蟻
樓主續稱:「電梯走廊又用開放式,蛇蟲鼠蟻隨時爬入黎。真心講句,好cheap好核突。」
3. 內櫳令人作嘔
唔知係咪幻想到第2點講嘅咁污糟,樓主講講吓,表示:「內窿都唔想再多講,想嘔。」
樓主批評公屋 遭網民反罵
樓主列出3點後,拋出一個問題:「排咁多年隊做人生勝利組,最後就係住啲咁嘅屋?點住?」
對於樓主批評公屋,引來唔少網民留言,有人表示「公屋要低檔,香港人先有上進嘅決心同動力。」亦有人話「當你叫一個深水埗籠屋居民入住,佢會好開心」,更人大鬧樓主係「無經歷嘅人」。
圖片來源:香港討論區、新假期資料庫、網上圖片