【成功靠父幹】肥宅炒股年賺過百萬：覺得自己30歲無業好廢！網友：缺女友嗎？
廣告
返工，並唔係因為好鍾意返工，而係唔返工就無錢生活，不過最近台灣就有個男網友，喺網上大吐苦水，話自己無業咗近2年，每日Hea From Home，不過佢依然無餓死，仲越嚟越有錢，可以話係「實力派無業」。
撰文：馬高斯 ｜圖片來源：Dcard｜編輯：海月
肥宅炒股年賺過百萬
事源呢位台灣男網友喺討論區「Dcard」出post訴苦，表示自己係一位30歲嘅肥宅男，已經失業將近2年，終日遊手好閒，唔係煲劇就係打機。不過因為唔係父母同住，所以兩老就唔知阿仔無工返。每次被父母問起佢嘅工作，佢都係敷衍帶過就算。
不過原來肥宅男屋企家境唔差，父母畀咗唔少生活費佢使，佢利用呢筆錢去炒股收息賺日常生活費，每年賺百幾萬台幣（約27萬港元）。現時佢嘅資產已經多達2300萬台幣（約630萬港元），炒股收錢根本無經濟壓力可言，加上天生比較懶，令到佢毫無返工嘅動力。跟住佢仲覺得經常感到好內疚，心情亦好複雜，擔心父母發現佢無業，所以就喺網上討論區出post吐苦水喎。
果然成功靠父幹，呢個苦水post一出，引嚟網友熱烈回應，更有女網友自薦做肥宅男嘅女朋友，話「沒關係有女朋友就不廢，要不要選我」、「沒事，交個女友一切煩惱都會沒了，我乖巧不吵不鬧會做飯，不能當寶貝也能當女兒」、「缺女友嗎？我很正」等等。
