【肛門檢測2.0】日本人入境中國被肛門檢測 日本領事館向中國投訴
廣告
【肛門檢測2.0】以前細個肛探要插patpat無得say no，如果而家牛高馬大仲要肛探，真係又重口味又恥力高！話說繼之前講過有南韓遊客入境中國，被安排去做肛門檢測之後，今次輪到發生喺日本遊客身上！
撰文：馬高斯 ｜圖片來源： Twitter@pTEeFwoW6K4pYMK、im_in_london29、sweetmaterial、NHK｜編輯：海月
簡單講一下，任何地方防疫做DNA檢測，離唔開係咽拭子檢測，或者鼻拭子檢測，不過內地部份地區就開始推行新檢測法，就係肛門拭子檢測！
跟據日本NHK新聞報導，加藤官房長官喺記者會中表示，收到有日本人入境中國被安排接受肛門PCR檢測後，心理上受到好大嘅痛苦。於是日本大使館亦都向中國外交部，同埋北京相關當局要求免除日本人接受肛門PCR檢測。不過換嚟嘅答覆，就同之前南韓嗰次一樣，現時並無變更檢測方法的打算，將會繼續使用現行方法檢測。
其實肛門PCR檢測實行後，內地民眾經已熱烈咁討論，我諗肛探會感到怕醜同唔鍾意，應該係全球所有人的共同想法！我哋睇吓Twitter日本網民嘅評論！
