00後

職場「Old Seafood」教精00後 返工其實有秘笈!

網絡熱話

廣告

唔少職場新人畢業之後進入職場後總會發現現實同理想係有啲分別。原以為只要發揮所長,做好本份,就可以展開順利嘅職場生涯。但當發現工作加辛唔加薪、做事吃力不討好、工作晉升緩慢等問題出現時,就知道原來返工同返學好唔同,有啲嘢學校無得學,老師唔會教。而有一位網民就係討論區上以職場「Old Seafood」身份同一眾00後傳授「打工秘笈」大談「職場守則」,惹起熱議。

00後
(圖片來源:劇集《IT狗》劇照)

職場講金唔講心 獨善其身係真理?

呢位網民自稱職場「Old Seafood」,於討論區上以過來人身份發表經驗之談,希望俾一眾00後嘅職場新鮮人一番啟示。當中提到6個要點:「1. 唔好當同事係friend、2. 唔好對公司有感情、3. Part Time 要惡過狗、4. 對同事打好關係好過用心工作、5. 人工永遠大於一切、6. 有咩事都唔使驚。」總括而言就係:返工講金唔講心,凡事4分靠努力,6分靠人事,獨善其身最開心!呢位網民最後仲改編左陳奕迅嘅《陀飛輪》送比網民們,訴說職場心聲!

00後 發文嘅網民指返工唔洗講心。
發文嘅網民指返工唔洗講心。(圖片來源:LIHKG討論區)
00後 發文樓主教路:返Part-time可以大曬,對待同事不用真心,但要維持良好關係。
發文樓主教路:返Part-time可以大曬,對待同事不用真心,但要維持良好關係。(圖片來源:LIHKG討論區)
00後 最後指返工人工最重要,遇事要臉皮厚,唔洗驚。
最後指返工人工最重要,遇事要臉皮厚,唔洗驚。(圖片來源:LIHKG討論區)

網民熱議,樓主稱靠規則做到Director

發文出後不久就引起不少網民留言,反應不一。除左引來不少網民以過來人身份留言分享自身經驗,亦有網民認同樓主觀點,認為樓主講得中肯,仲加埋第7點「記得唔好駁嘴」。亦有網民持不同意見,認為樓主教壞人,稱照樓主咁做一世難發圍。但樓主就稱係自己由Intern做到Director所得嘅經驗總結,更稱返第一份工唔需要太認真,最緊要攞經驗。

00後 有網民留言補充第7點。
有網民留言補充第7點。(圖片來源:LIHKG討論區)
00後 有網民留言指職場做人處事最緊要有公關。
有網民留言指職場做人處事最緊要有公關。(圖片來源:LIHKG討論區)
00後 有網民不認同樓主觀點,但樓主稱係自己由Intern做到Director所得嘅經驗總結。
有網民不認同樓主觀點,但樓主稱係自己由Intern做到Director所得嘅經驗總結。(圖片來源:LIHKG討論區)

90後甩標籤,00後被批問題多多?

00後作為最新一批步入職場嘅年輕人,加上成長背景同上一代不同,工作上難免被人標籤。周不時就有網民發文批評00後工作態度差、難溝通等問題。較早前就有網民於討論區上發文指00後工作態度有問題。亦引起不少網民附和或分享同類經歷。當中有網民留言:「90後表示:係時候俾(比)00後感受下當年被標籤嘅感覺。」

00後
(圖片來源:劇集《BB來了》劇照)
00後 網民指00後難溝通。
網民指00後難溝通。(圖片來源:LIHKG討論區)
00後 亦有網民指00後處事難理解。
亦有網民指00後處事難理解。(圖片來源:LIHKG討論區)
00後 有網民指90後可以甩標籤。
有網民指90後可以甩標籤。(圖片來源:LIHKG討論區)

圖片來源:劇集《IT狗》劇照、劇集《BB來了》劇照、LIHKG討論區

YOU MAY ALSO LIKE ...