老細瘋狂錄音焫慶下屬：你唔識打宇㗎？

未能有效溝通 焫著下屬

事主指老闆「不是不懂打字」，又仔細描述老闆使用即時通訊程式錄音功能的壞習慣，內容短至幾個字、長至要連環十多個錄音追擊，令事主覺得直接用電話溝通更好，「最怕係佢一連十幾個錄音，段段都分幾鐘，講咁多不如直接打畀我算啦，真係見到都唔想聽」。

浪費時間 欲建議用語音輸入法

由於老闆不懂得錄音要按下掣後稍候片刻才開始，經常令事主聽不到他開始的說話；老闆說話時快時慢，「搞到又要重播幾次先聽得明，口啞啞都用幾十秒，聽完都覺得浪費時間」。老闆愛用錄音的習慣令事主懷疑他不知道有語音輸入法，「如果叫老闆用語音輸入法，佢會唔會嬲呢？」

錄音一向不受歡迎 網民力撐事主

帖文獲網民熱議，意見兩極。有不少網民均表示「討厭用錄音，在公司又唔方便開來聽，又要鬼鬼祟祟去無人嘅地方聽」、「佢就係貪方便，錄音要搵返啲對話，非常麻煩」。另有網民點醒事主，「錄音係想對你傳神地爆粗，你感唔感受到呀？」。

要有「打爛飯碗」的準備

有網民串爆事主「老闆做咩要識打字，識出糧咪得！」、「你係老闆定佢係老闆，對於打字唔快嘅人來講，錄音絕對係節省時間，老闆日理萬機，有咩可能同個下屬聯絡仲留意錄音細節，你接受唔到的話，可以選擇唔做；但如你提出語音輸入法，而佢又唔接受，你就唔洗做呢份工」。

原文：

資料來源： 香港討論區

原文刊於新假期