網民力選本港「美食沙漠」榮譽屋邨 衰到冇連鎖集團餐廳！
撰文：WM丨圖片：劇照，新假期編輯部、新傳媒編輯部丨資料：連登
網民力選本港「美食沙漠」名譽屋邨 就算連鎖集團餐廳都冇！
1.梨木樹邨
位於新界葵涌的梨木樹邨，率先被樓主認為是「美食沙漠」的公共屋邨之一。據事主指出，梨木樹邨只有一個「爛鬼商場」，當中只有一間連鎖集團快餐店「大家樂」，以及一間被指十分難食的茶餐廳。雖然商場地下的小鋪都好食，不過沒有太多位置亦是弊病之一。
2.新田圍邨
位於大圍的新田圍邨，被一眾網民認為是「世界級垃圾」，網民直言新田圍邨的荒涼程度是直程連餐廳都沒有。就連以往曾經有過的連鎖快餐店「大家樂」都可以在新田圍邨當中執笠，可見其「沙美食沙漠化」程度多麼嚴重。
3.象山邨
荃灣區的象山邨入選「美食沙漠」名單，網民將象山邨稱為「老化邨」，意思其居住的人口都比較上年紀。雖然象山邨都有不少的店鋪可以選擇，但是其食物質素都十分差，有網民就指最好食的便是「象山快餐店」。
4.安蔭邨
同樣位於葵涌的安蔭邨，連鎖快餐店「大快活」都已經執笠。有網民就指安蔭邨只有一間酒樓以及農家食物。而邨中的街市雖然指會裝修重建，但據網民指出已經幾年都還未開始其工程，令到邨民都冇啖好食。
5.沙田坳邨
地理位置於黃大仙區的沙田坳邨，網民指其邨中只有一間7仔便利店，直言不能叫做「美食沙漠」，應該直接可以入選「食物沙漠」。雖然都有網民指便利店斜對面有一間素食餐廳，不過齋並不是每個人都合適的。
6.安達邨
於觀塘區的安達邨，早前有入選過「最惡住屋邨」，今次再次入選「美食沙漠」屋邨。有網民都直言：「呢條邨就嚟乜排名都有」。不過都有網民反駁指其實邨中都有不少餐廳，但有網民就指其餐廳的食物算不上是「美食」，所以應當入選。
7.清河邨
位於北區的清河邨亦同樣入選，其邨內只有一個單層商場，而當中只有一間茶餐廳以及酒樓，而兩間餐廳的食物水平都十分參差，再加上由於霸權的關係，令兩間餐廳的食物價格都相對比較高。有網民就指清河邨居住人數不少，但其餐廳實在太少。
8.澤安邨
位於石硤尾的澤安邨，亦同樣可以稱為「食物沙漠」，有網民就指其邨內同樣沒有任何便利店，直言：「夜晚肚餓想去7仔買杯麵嘅機會都冇。」。不過有網民認為其實可以行落去又一城，咁就可以品嚐各國美食。
網民力數配套差：「自成一角嘅屋邨都冇咩好食！」
都有網民指出其實如果該屋邨是自成一角的話，其實基本上都「冇啖好食」，有網民就回應指是「配套不足」。而不少網民都指出自己所居住的屋邨都算不上有美食的存上，不過以上的8條屋邨就被公認為最嚴重沙漠化的「美食沙漠」。
撰文：WM丨圖片：劇照，新假期編輯部、新傳媒編輯部丨資料：連登
原文刊於新假期Weekend Weekly
