男網友呻與另一半拖手比人望感不舒服 大批網友齊寫下窩心留言：因為好羨慕

撰文：八卦妹｜圖片來源：Dcard討論區截圖、ViuTV《大叔的愛》劇照截圖

男網友呻與男友拖手外出惹異樣目光

街裡愛人一對對，情侶拍拖外出拖好平常，之不過近日有位男網友在Dcard討論區內以「同男朋友拖手出街係咁比人望⋯⋯」為題，指自己與男友在街上拖手時引來不少奇異目光，令他感到不舒服，其後又再指香港人的思想仍是十分封閉。

網友留言勁窩心 全因出自羨慕

該名男網友的帖文發出後，旋即引來不少網友留言，當中絕大部份都是先向樓主講「對不起」，但其實會望的原因全是出自羨慕，仲留下窩心的句子，亦有網友籲樓主不要理會他人的目光，如真的有人望的話更要拖實，再望回去：「我都會偷偷哋望幾眼，但純粹係因為覺得你哋好sweet！揾到個人一齊已經唔容易，仲要敢喺香港行街拖手 就更加唔容易，俾人望咪當佢哋羨慕 不知幾幸福！」、「我上次同女朋友出街，都見到一對hehe，跟住我同女朋友係條街到嗨到傻左！不過真心講句，見到真係會忍唔到望多幾眼，係見到同類人個種開心」、「同frd一齊行街睇到都會望下啦⋯⋯不過係因為覺得好sweet，同埋呢度係香港wor，根本就唔洗理人地點睇。最重要係自己發自內心接受自己先。」、「平時都係照拖，諗吓香港八百萬人，好多都係人生中只會路過一次。有時佢個樣係不可思意嘅話咪睥返實佢」

此外，帖文亦吸引到不少同路人留言，仲大讚樓主勇敢與另一半拖手行街。