移英情侶崩潰哭訴生意難做 食物照曝光終於明點解!

網絡熱話

廣告

日前HOY TV節目《離鄉別井的故事》中,一對香港情侶移英後開Cafe打算過日子,不料遇上困難重重,在鏡頭面前都忍唔住哭訴生意難做。兩人花光積蓄開Cafe追夢,但Cafe營業額只有$100英鎊(約港幣$900元) ,之後Cafe中的食物照被曝光,網民都終於知點解生意咁差了..

移英情侶崩潰哭訴生意難做 食物照曝光終於明點解!

HOY TV節目《離鄉別井的故事》日前就訪問了一對移民英國的香港情侶阿晞與Yammie,兩人由中學時代就已經到英國留學,最後更決定離開香港,直接在當地定居。阿晞大學時期修讀市場學,Yammie則修讀建築學碩士學位。即使學業有成,但兩人在美國搵工路上都處處碰壁,Yammie指自己曾寄出超過200封求職信,但大部份都沒有回音,最後二人毅然決定追夢開Cafe!

移英
(圖片來源:《離鄉別井的故事》截圖)

生意日漸變差

兩人幾乎掏空積蓄並向家人借錢,於用$20萬於英國開設名為「Kōfuku 幸福駅」的Cafe,望能將亞洲食物越洋帶到英國。Cafe的生意額相當不穩定,初期周末的營業額試過高達$1,600英鎊(約港幣$14,378元),平日則介乎$100至$300鎊,直到拍攝前一段時間生意變得異常差,每日僅得$100英鎊營業額(約港幣$900元)。壓力逼人令到Yammie忍唔住爆喊,當父母問起夠唔夠錢交租時,她坦言:「就算交唔到都唔會同佢哋講交唔到,佢哋已經好多嘢俾晒我」。

移英
(圖片來源:《離鄉別井的故事》截圖)

食物照片流出

節目播出後,不少網民都紛紛討論兩位當事人,仲有人將兩人經營的Cafe找到。當Cafe的食物照被流出後,網民都終於明白點解生意會咁差。從流出的食物照片可見,店內標價$8鎊(約港幣$73元)的辣醬涼麵是以白烚烏冬配上同樣白烚粟米、香腸、蝦、魚蛋、生小蕃茄、切絲的青瓜以及包裝蟹柳,最後在上方加上一匙辣醬及蒜蓉,十分簡單;另一樣食物磨菇飯則與香港KFC的出品十分相似,但醬汁就比起KFC少很多。

移英
(圖片來源:Facebook@Derek Lam)
移英
(圖片來源:Facebook@Derek Lam)

食物品質參差:仲衰過葵廣撈麵

網民對於兩人Cafe的食物都感到「零誠意」,更笑稱「打完邊爐之後個日嘅lunch」,可以改名為「邊爐盛」。之後更是指要價$8鎊的涼麵做法比起葵廣的撈麵仲hea,有網民就留言指:「依家開食肆門檻咁低?煮俾屋企人都反枱嘅嘢居然可以開舖,仲妄想有錢賺?」;麵有網民出於好心勸說:「小學生家政?完全冇賣點,已經唔係講緊話好食同唔好食,試問個個人(就算唔識煮嘢~手殘)喺屋企求其是但都做得出嘅嘢,使乜要畀錢去嗰度食?喊都改變唔到乜嘢,建議疊埋心水打份唔好要求咁高嘅工好過啦!」。

移英
(圖片來源:Facebook@Derek Lam)

網民怒轟情侶唔做足功課

網民亦怒插兩人沒有做足功課以及市場調查就貿貿然開鋪,直接指:「呢間cafe 11點先開門,西方國家咖啡店都係早開早關門嘅(6-7am開門,3-4pm關門),而家睇埋d 食物相,完全明白間舖點解無生意啦」、「日本名、港式hea麵、目標客戶英國人,照牌面睇你已經一次過得罪3個地方嘅人,不如諗清楚定位究竟你想賣啲乜嘢賣俾邊啲人」。

移英
(圖片來源:《離鄉別井的故事》截圖)
移英
(圖片來源:《離鄉別井的故事》截圖)

圖片來源:Facebook@Derek Lam,《離鄉別井的故事》截圖